Popular Bible Verses from मत्ती 27

Share

लगभग त्रियें बजै यीशु बड़ै जौरै हक दी करि बौलु, “एली, एली, लमा शबक्तनी मतलब हे मिंडै परमेश्वर, हे मिंडै परमेश्वर, तीं आंउ केईनी छडि दिता?”

जां सै मौट्टा पड़दा जै मंदरा प्रना किना लै करि थल्लै तेईनी दुवां टुकड़ा मझ फटि ग्या। जां धरती हिलि गैई, जांं चट्टांनै दो फाड़ भौ गैई। जां कब्रि खुलि गैई, जां मौरै पवित्र मैहणु जींति ग्यै

तां यीशु फिरी बड़ै जौरै हक दी करि प्रांण छडि दित्तै।”

तां सूबेदार जां जै तैस सेईतै यीशुरा पेहरा दींतै थ्यै जां भूकंप जां जै किछ भौरू थियु, तका करि बड़ै डरि गियै, ता तेनी बौलु, “सचै ऐक्या मैहणु परमेश्वरैरा पुत्र थ्या।”

धियाड़ी बारैह बजै सारै देशा मझ अंधारू भौ गियु, जै अन्धारू लगभग धियाड़िरै त्रियें बजै तेईनी रिहु।

पिलातुसै तैन्हांं किना पुच्छु, “फिरी यीशुनि जै मसीह कैहलाईयूंता, तेसैरू कितु करूं?” सभनियें तैस सिंउ बौलु, “ऐस क्रूसा पन चाढ़ा।” पिलातुसै तैन्हांं सिंउ बौलु, “केईनी, यीशु तुवाड़ु कितु बुरू आ क्यौरू?” पण सै हौर जौरै-जौरै बोलणा लगै, “ऐस क्रूसा पन कीलै मारी करि चाढ़ी देया!”