Popular Bible Verses from लूका 3

Share

जोबै सौबी लोगै बपतिस्मा लौआ, औरौ यीशु बै बपतिस्मा लोयो प्रार्थना कौरे लोए थी, तोबै स्वर्ग खौलै गौ। औरौ पवित्र आत्मा शोरीरो कै रुप दा कबूतर कै जैशणै तैसी पांदी उतरा औरौ पौरमेशवरे स्वर्ग पौरैशौ यीशु खै बौल़ौ, “तू मैरा प्यारा बैटा औसौ हांव तांवदा खुश औसौ।”

तौ यूहन्नाए तिनु सौबी कै जोवाब दिया, “हांव तौ तुऔं पाणी शै बपतिस्मा दियु पौरौ सै आणौवाल़ा औसौ जू मुं दा बै शौकतीशाली औसौ; हांव तौ ऐसी लायक बै आथी ना कै तैसकै जूते कै तशमै खोले सौकु, सै तुऔं खै पवित्र आत्मा औरौ आगै लैई बपतिस्मा दैंदा।

आपी खै साबित कौरौ कै तुऐं आपणै पापौ कै छोडे़बा पौरमेशवर कै ढौबौ फैरै गौवै। औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ, हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

इथकारिए ऐबै तुऐं पौरमेशवर कै न्याय कारिए तैयार रौया, जिथुखै कुराड़ी डाल़ो कै जोड़ो पांदी राखै राए, इथकारिए जू डाल़ आछा फोल़ नै लियाला सैजा काटा जांदा औरौ आगै मुंजी बैगाया जांदा।”

जैशैखै यशायाह पौरमेशवर कै बातौ बौताणौवाल़ै कै किताबो दौ लैखयौंदो औसौ; “उजाड़ जौगैह दै ऐकी धाव दैणौवाल़ै कै धाव रौए शौणै कै, ‘प्रभु कै खातीरदारी कारिए आपणै मनो कै तैयार कौरौ, औरौ तैसकै आणौ कारिए आपी खै सुधारौ। हरेक घाटी भोरै जांदी, औरौ हरेक धारो औरौ टिम्बै धैनै कौरे जांदै; औरौ जू बांगा औसौ सै सीधा औरौ जू उदे ऊबै औसौ सै सीधै बाट बौणदै। औरौ हरेक आदमी पौरमेशवर कै उध्दार कै दैखदा।’”