Popular Bible Verses from मरकुस 1

Share

ओकी दूसै झीशो इनारै दा ही, यीशु ऊबा बेजैबा, ऐक शुनशान जौगैह दा हौटा औरौ तिथै प्रार्थना कौरदा लागा।

औरौ तैणै बौल़ौ, “पौरमेशवरे जैसी दूसौ कै कौरार दैय राखै थी सैजौ दूस आए गौ, औरौ पौरमेशवर का राज्य नेड़िक आए गौआ; पाप कौरणै छोड़े दौ औरौ सुसमाचार पांदी बिशवाश कौरौ।”

औरौ जोबै सै पाणी पौरैशा निकल़ैयो बायरै ओऊवा, तौ तौलोंई तैणै स्वर्ग खै खोलदै औरौ पवित्र आत्मा खै कबूतर कै जैशणै आपी पांदी उतौरदे दैखा। तोबै पौरमेशवरे स्वर्ग पौरैशौ यीशु खै बौल़ौ, “तू मैरा लाड़कु बैटा औसौ, हांव तांवदा खुश औसौ।”

मोऐं तौ तुऔं खै पाणी लैई बपतिस्मा दैय राए पौरौ सै तुऔं खै पवित्र आत्मा लैई बपतिस्मा दैन्‍दा।”

यीशुए तिनुखै बौल़ौ, “आव, मैरै चैलै बौणौ, इबी तौड़ी तौ तुऐं माछी पाकड़ो थिए। पौरौ ऐबै हांव तुऔं खै शिखोऊंबा कै लोगौ खै मैरै चैलै कैशैखै बौणाणै।” औरौ तिनुऐ तौलोंई आपणै माछी पाकड़णो का काम कौरणा छोड़े दिया औरौ तैसकै चैलै बौणणौ कारिए तैसकै साथै हौटै गौवै।

औरौ लोग तैसकै उपदैश लैई हैरान हौवे; जिथुकै सै तिनुखै यहूदी शास्त्री कै जैशणै नी, पौरौ साची औधिकार कै साथै उपदैश दैंव थिया।