Popular Bible Verses from Yoana 19

Share

Yeesu hanú yaarabha omusuka guyo, akagamba ega, “Emirimu gyani gihweri!” Mbe, akahiinya omutwe gwaye, gukahwa-mo.

Kimwi, Yeesu akamanya ega, yaaringa amariri okukora emirimu gyaye gyonsego. Mbe, akagamba ega, “Ndeegwa enyonta.” Kwa ego, gakakunaana ganú gaangʼoorwa mu Mangʼoore Amarabhu.

Hanú Yeesu yaamurora ngʼina waabho na omwihigira unú yaaringa amuhanjiri bhukongʼu yeemiriiri haangʼi na ngʼina waabho, akagamba ega, “Ee maayi, maaha! Uyo ngʼo omwana waaho.” Kweki akamukeerya omwihigira urya ega, “Maaha, unu ngʼo ngʼina weenyu.” Mbe, okurwa eribhaga riyo omwihigira uyo akamugega ngʼina waabho Yeesu, akagya okwikara nawe, mumugi gwaye.

Nawe, hanú bhaahika ku Yeesu, bhakanyoora amariri okukwa, kwa ego bhataamubhuna amaguru. Nawe, omusirikare oumwi, akamubhita Yeesu na eritimu murubharu. Kimwi, amanyinga na amanji gakarwa.

Gayo gaakoreka naho gakunaane ganú gaangʼoorwa mu Mangʼoore Amarabhu ega, “Ritariho eriguha ryaye kora erimwi rinú riribhunwa.” Kweki Amangʼoore Amarabhu garagamba ega, “Bhariija okumumaaha unú bhaabhita na eritimu.”

Akagega omusarabha gwaye, akeemuka mumugi, akagya ahasi hanú mu Kiebhurania, bhaahabhirikiranga ega, Gorigota, ensonga yaaye niiga, Ekihuuri kya Omuntu.

Abhasirikare bhakakora eritaaji rya amahwa, bhakamwibhohya kumutwe. Kweki bhakamwibhohya enkanju ya jambaraawe.