Popular Bible Verses from Ruuka 11

Share

Mbe, onyoora bheenyu m-basarya, nawe, mumanyiri okuhaana abhaana bheenyu ebhintu ebhijomu. Kwa ego, Eseweenyu owa murwire aribhakorera amajomu bhukongʼu, na aribhahaana Omutima Omurabhu bhanú bharamusabha!”

“Kwa ego, oni ndabhakeerya ega, mumusabhe Waryubha, bheenyu murihaanwa. Mutune, bheenyu murinyoora. Musiikurye, bheenyu murisiikurirwa.

Kira omuntu unú aramusabha, arahaanwa. Na kira omuntu unú aratuna, aranyoora. Na kira omuntu unú arasiikurya ekiseku, arasiikurirwa.

Yeesu akabhakeerya ega, “Hanú muraabhenga murasabha Waryubha, mugambe ega, ‘Taata [weetu owa murwire], eriina ryaho rigungibhwe, obhukama bhwaho bhuuje, [obhwendi bhwaho bhukoreke, mukyaro hanu, kya ego murwire eyo].

Otwabhire obhusarya bhwetu, kya ego na bheetu turabhaabhira bhanú bharatusarirya. Otakaatutiga tusohe mumasakyo, [nawe, otutuurye na omusarya urya Erisambwa].’”

Otuhaane ebhyakurya bhya kira orusiku.

“Ameeso ngo kya ekorobhoi kumubhiri. Nyoore m-mahoru, omubhiri gwaho gonse gurabha na obhurabhu. Nawe, ameeso gaaho garaabhe amasariku, omubhiri gwaho gonse gurabha na ekisunte.

“Atariho omuntu unú aragwatya ekorobhoi, kimwi araikundikirya kwa okwibhisa. Araituura eguru kukisunga, naho abhantu bhanú bharasoha munyumba bharore obhurabhu.