Popular Bible Verses from Mariko 13

Share

Abhantu bhonsego bharibhajimira kurusumo rwa eriina ryani. Nawe, wowonse unú ariigumirirya okuhikira kubhuteero, ngʼo Waryubha arimutuurya.”

Mwiyangararire! Mutengeeje, [musabhe,] kwa okubha mutamanyiri ega, eribhaga riyo ririhika ruuha.

Hanú abhantu bhayo bharibhagwata, na okubhahira mumabharaja, mutariija okubha na enkubhi eguru ya amangʼana ganú murigamba, nawe, ryoryonse rinú murihaanwa ensa irya, murigambe, kwa okubha mutaringi bheenyu bhanú murigamba, nawe, m-Mutima Omurabhu.

Ekyaro na orwire bhirihita, nawe, amangʼana gaani gariguma koko.

“Nawe, atariho omuntu unú amanyiri orusiku, kora ensa inú Omwana wa Adamu arihunjuka. Kora bhamaraika bha murwire na Omwana wa Waryubha bhatabhimanyiri, nawe, Taata Waryubha omwenego ngʼo abhimanyiri.

Na bheenyu hanú muriigwa amangʼana ga eriihe na emijuujumo gya eriihe, mutoobhoha. Gayo gareenderwa geebhuke, nawe, obhuteero bhwa ekyaro bhuribha bhukyari okuhika.

Yeesu akagendererya okubhakeerya ega, “Bheenyu bhonse mutengeeje, kwa okubha mutamanyiri ega, omwene omugi arihunjuka ruuha. Mutamanyiri ega, arihunjuka mugoroobha, kasi mubhutiku gati, kasi muruguru, na kasi nyenkyo. Mutengeeje, mutariija okutaka ego arahika, arabhanyoora mureeri. Na amangʼana ganú ndabhakeerya bheenyu, ndakeerya abhantu bhonsego ega, ‘Mutengeeje.’”

Ekyaro ekimwi kirirwana na ekyaro ekindi, na obhukama obhumwi bhurirwana na obhukama obhundi. Haribha-ho na ebhirigiti bhya erirobha ahasi ahaaru, na ahasi ahandi haribha na enjara. Gayo gonsego garibha kya omukari okwamba okurumwa obhusungu hanú areenda okwibhura.

Amangʼana Amajomu gareenderwa okuraarikwa mbere, kubhantu bha ebhyaro bhyonsego, eribhaga obhuteero bhutarahika.

Abhantu abhaaru bhariija kwa eriina ryani, bharigambanga ega, ‘Oni nooni Kiristu.’ Abhantu bhayo, bharibhanga bharangʼeena abhantu abhaaru.

“Nawe, bheenyu mwiyangararire bhukongʼu. Abhantu bharibhahira mumabharaja, na okubhatema bhururu mumasinagogi gaabho. Bharibhahira kubhaanangwa na kubhakama, kurusumo rwani. Muryenderwa okubha abheemiririri bhaani embere yaabho.

kwa okubha bhariibhuka abharooti bha obhubheehi na abhantu bhanú bharibhanga bhareebhirikira ega, mbo Kiristu Omutuurya. Bharibha bharakora ebhimanyiiriryo na ebhiruguuryo, naho bhature okungʼeena, kora abhasorwa bha Waryubha.

“Mbe, hanú eginsiku gya enyanko giyo girihwa, eryubha riribha ekisunte, omweri gutariruusya obhurabhu bhwago, na eginjota gyonse, girigwa hansi okurwa kurwire. Na eginguru gya kurwire gyonsego girisingisibhwa.