Popular Bible Verses from Mariko 9

Share

Yeesu akamukyukya ega, “Kwaki oragamba ega, ‘Nyoore okaatura’? Gonsego garaturikana kumuntu unú aramwikirirya Waryubha.”

Rumwigo esewaabho omwana urya akagamba kwa eriisi erinene ega, “Ndeekirirya! Nawe, eimani yaani ni-nke, mbeera mbe na eimani enene.”

Mbe, hanú Yeesu yaasoha munyumba, abheehigira bhaaye bhakamubhuurya kabhejyo ega, “Kwaki bheetu twatamwa okumuruusya ekihwi?” Yeesu akabhakyukya ega, “Ekihwi kya kiyo kitakutura okuruusibhwa kwa eringʼana ryoryonse, nawe, kwa amasabho.”

Omuunyu m-mujomu, nawe, gukaabhurya omuta gwago, mmutuura-mo-ki, naho gubhe na omuta? Na bheenyu mubhe kya omuunyu, mwikare kwa omurembe abheene kwa abheene.”

“Omuntu wowonse unú araamugenihye omwana kya unu, kwa eriina ryani, arangenihya oni. Na omuntu unú arangenihya oni, atakungenihya oni omwenego, aramugenihya Waryubha unú yantumiri oni.”

Ndabhakeerya obhuheene ega, omuntu wowonse akaabhahaana kora ekikombe kya amanji ga okunywa, kwa okubha bheenyu m-bantu bha Kiristu Omutuurya, uyo arinyoora omutuho gwaye.”

Yeesu akagendererya okugamba ega, “Na omuntu wowonse akaamuhabhya oumwi gati ya abhake bhanú bharanyikirirya, ajeeme na okukora obhusarya, nyakara abhoherwe ensyo mwigoti na okweswa gatigati wa enyanja.

Na eriiso ryaho rikaakukora okore obhusarya, oriihe na okuryesa ahare. Nyakara osohe mubhukama bhwa Waryubha uuna ensonko, okukira okubha na ameeso gabhiri, na okweswa mumururo gunú gutakusima.