Popular Bible Verses from Itanguriro 39

Share

Nuko UHORAHO abana na Yosefu, na we agira umugisha mu vyo yakora vyose. Yosefu yaba mu nzu ya shebuja w’Umunyegiputa.

Nuko Potifari aha Yosefu ububasha bwose ku vyo yari atunze vyose, ntiyagira igisubira kumuraza ishinga uretse ivyokurya gusa. Yosefu yari umuhungu mwiza mu maso no mu gihagararo.

Bidatevye, umukuru w’ibohero amuha kuganza abandi bapfungwa no kugenzura ibibera mw’ibohero vyose.

Nuko afata Yosefu amuterera mw’ibohero bapfungiramwo imbohe z’umwami. Ariko Yosefu ari muri iryo bohero, UHORAHO abana na we, amuha kugira ikiganza ciza, agira igikundiro mu maso y’umukuru w’ibohero.

Nuko muka Potifari atangura kumwipfuza, aramubwira ati: “Ingo turyamane!” Ariko Yosefu aramwankira ati: “Urabona ko databuja ata kintu kimuraje ishinga, kuko yanjeje ivyo mu nzu yiwe vyose. Nta muntu n’umwe muri iyi nzu andusha ububasha. Nta kintu na kimwe databuja yisigarije kiretse wewe, kuko uri umugore wiwe. None nokwubahuka gute gukora ikibi nk’ico, ngacumura ku Mana?”

Umusi umwe, Yosefu yinjira mu nzu gukora ibikorwa vyiwe ata wundi muntu n’umwe ahari. Wa mugore amufata impuzu, aramubwira ati: “Ingo turyamane!” Yosefu aramwiyaka arasohoka, ariko wa mugore asigarana umutamana wiwe mu minwe.