Popular Bible Verses from Lukö 3

Share

Dä Zään ŋʋ bhlä nyɩkpaa 'nyu 'wlu nä, Zozii ‑yimʋ 'sɩɩ ‑lɔɔ, 'nɩ Zään yio 'nyu 'wlu 'ŋʋ. Nä, Zozii bhibhie bhɛ 'nɩ ‑laagɔɔ' ‑känöɔ 'klʋ, 'nɩ Kplɔɔkplɔɔ‑wugɔɔ yio 'kʋ kwlii nynä 'kpaakpu. 'Nɩ nuwälɩ yi ‑laagɔɔ' ghlää, ɩ lä ‑n ‑glö 'naa ‑Wawayu! Kä ‑naa plɛkʋ mɛnö'ö kpänyɩ.

Ɩ ‑kä 'ŋnö 'nɩ Zään ‑sonʋwa, ɔ lä ‑amʋ nä, 'nyu 'wlu n ŋʋ'anyɩ lä. ‑Mä nyɩkpɔɔ ‑ɔ yi'i lä klë nä, ɔ ‑kä 'tɛtɩ 'nɩ ɔ ‑zi'i. Nn' ‑wʋ sää 'titi 'kʋ ‑ŋwa nynä ‑mä n 'tɔsɔ ɔɔ' 'süü' 'bhliye. Ɔmɔ nä, Kplɔɔkplɔɔ‑wugɔ ‑yä ‑kosu 'sɔ ɔ 'kanyɩ lä 'wlu 'ŋʋ.

A pana anyɩa' nʋnʋgbɩɩ 'mnö nynä ‑mä a yä 'cɩcɩ! A 'nä kʋ lä 'flɛ ‑lɔɔ 'nɩ a 'kä ci nynä ‑anyɩ, ‑a tötɔ‑ plöö‑ lä Ablaamʋ! Kä n mʋ'anyɩ yɩ soo ‑kää nynä ‑mä, Laagɔ kä ‑waa nä, ʋ yi cɛkʋbhünö 'kʋ 'bhlü 'nɩ ʋ yi Ablaamʋʋ' 'yuë wlʋa.

A ni ‑dobhɛɛ yä wɛzä suu 'mnö 'ŋʋ. Kɛ 'kʋ ylä yiosä sikplii 'kʋ ‑sä! Suu' lʋʋ‑ tlʋ ‑wʋ lä 'bhü 'nänö nä, wa yiu 'kʋ ‑döö, 'nɩ wa yiu ‑kosuu' 'ŋʋ.

Sää ɩ ‑jɩjlɔ lä ‑mɔɔ 'plɔfɛtɩ Ezayii' 'bɔɔgʋʋ 'mnö nynä ‑mä Nyɩkpɔ woo ‑mɔɔ 'popie 'mnö, 'Nɩ ɔ ci, ɔ lä A göglä Kwlienyɔɔ' ‑dʋdʋkʋ! Ɩyä a gëë ɔɔ' ‑blɔɔ 'yii! A ni ‑gbazlɩɩ 'fɩɩn yi sʋɔ. 'Küküü ‑yä 'kpakpüü 'fɩɩn yi tɛnöɔ 'Nɩ ɩ yi ‑dʋdʋkʋ ‑lɔɔ. ‑Bɔlɩɩ ‑ɩ ‑cɩcɩɔ bhlä 'kʋ nä, Ɩ yi 'yi gëë. 'Nɩ ‑bɔlɩɩ ‑ɩ ‑nyu bhlä 'kʋ nä, Ɩ yi 'kʋ göglɔ ‑Yä sä Laagɔ ylä lä nynä Ʋ 'kä 'ylʋzɔkʋnyʋä ‑lɔɔ nëë ‑sä nä, Nyɩkpaa 'fɩɩn 'kä sɔɔ 'yi 'ni.