Popular Bible Verses from Lukö 4

Share

Kwlienyɔ Laagɔɔ' 'Wugɔɔ ‑kʋ'ʋ yëku. Kɔ ‑sä'ä, 'nɩ ɔ ‑lobho'o ‑yä N 'kä ŋäzönyʋa 'Nägädöö ‑lä. Kɔ ‑lobho'o lä ‑yä, Nyɩkpaa ‑wa ‑kʋ lä ‑säklöö' nä, Wa 'kä 'kpɔ döɔ. Ɩyä ‑lʋa ‑waa 'ni ‑wʋ lä sä nä, Waa' 'yii 'kä welio. Ɩyä ‑lʋa nyɩkpa klä lä geyusä nä, Wa 'kä geylüü' ‑bha. Ɩyä Kwlienyɔ Laagɔɔ' plɛkʋmɛnɔɔ' ylʋʋ, Lioo 'mnö ɔ 'kʋ lä pana nä, N 'kä ‑lɔɔ' lioo' yëkuu' wälɩɩ ci.

'Dëvlo cii‑ lä sɔɔ nä, Zozii lä ‑Kwlienyɔɔ, ‑naa Laagɔ, ɔmɔ ‑bhlo 'coo ‑n ‑kä 'nɩ 'gä bʋbɔ, ɩyä ɔmɔ ‑bhlo 'coo ‑n 'gä 'wlu sä glaa.

'Dëvlö cii‑ lä sɔɔ nä, Zozii lä ɩ ‑jɩjlɔ Laagɔ‑bɔɔgʋʋ 'mnö nynä Lülülɩɩ ‑tɛɛ 'nyɛ ‑wʋ nyɩkpɔ zëkpë.

Kplɔɔkplɔɔ‑wugɔɔ kwlii‑ bhɛ lä Zozii 'kʋ kpänyɩ nä, ɔ ‑bha lä 'gä Zludɛɛ‑nyie yëku nä, kʋ ‑fɔɔ 'popie 'mnö.

'Dëvlo cii‑ lä sɔɔ nä, Zozii lä ɩ cio‑ ‑mɔɔ Laagɔ‑bɔɔgʋʋ 'mnö nynä ‑mä, Kwlienyɔ ‑naa Laagɔ, ‑naa ylɔɔ ‑lä gbɩɩ'!

'Dëvlo nyɛɛ‑ 'sää Zozii ‑zɔɔpälɩɩ ‑aaa, 'nɩ ʋ yio yëku ‑bha, 'nɩ ʋ yi mʋ. 'Tänyɩ 'kä bhɛ ‑lɔɔ kʋ ‑yä ʋ 'kä bʋkʋ yi.

Ɔ cii‑ lä sɔɔ nä, 'nɩ 'Dëvlo yio dä ‑bhlo fä. ‑Lɔɔ ‑zii sää 'wlu. 'Nɩ 'kpobhuu ‑bhlo 'kʋ, ʋ yio 'ylʋzɔɔ' 'leyi‑bhlɩɩ 'fɩɩn tlaa. 'Nɩ ʋ yio soo, ʋ lä 'leyi‑bhlɩnɩ 'fɩɩn, n yi‑i mɩ 'kämäädä 'nyɛ, ɩmɩ ‑yä ɩɩ' 'klʋagbaa 'fɩɩn. ‑Amʋ wa nyɩɩ‑ lä nä, nyɩkpɔɔ' lɔɔ n ‑waa lä nä, ɔmɔ n nyɩɩ. Nä, ‑n gä mii 'nɩ ‑n gä'ä dëlü 'wlu sä ‑glaa, 'nɩ ‑n gä'ä ‑bʋbɔ nä, 'leyi‑bhlɩnɩ 'fɩɩn yi ‑naa lɩɩ 'plö! 'Dëvlo cii‑ lä sɔɔ nä, Zozii lä ‑Kwlienyɔɔ, ‑naa Laagɔ, ɔmɔ ‑bhlo 'coo ‑n ‑kä 'nɩ 'gä bʋbɔ, ɩyä ɔmɔ ‑bhlo 'coo ‑n 'gä 'wlu sä glaa.

Ɔ cii‑ lä sɔɔ nä, 'nɩ 'Dëvlo yio Zolizalɛmʋduu' fä, 'nɩ ‑mɔɔ' Laagɔ‑bhutu 'kädʋʋ 'wluu, ʋ yio ‑mɔɔ gbla. 'Nɩ ʋ yio soo, ʋ lä ‑mɔɔ gä 'zaazɩ Laagɔ ‑Yowli plöö‑ nä, ‑n ‑bha ‑mää ŋɔkʋ ‑yä ‑n bhlü ‑zɔɔ ‑mä, ɩ ‑jɩjlɔ nynä ‑mä, Laagɔ yi ‑Laagɔzizii soo ‑naa ‑za, 'Nɩ ɩ yi‑i 'kʋ wloo. Ɩ yi‑i wlɩ ‑zɔɔ tlaa 'nɩ, ‑Naa ‑kokokpëë' ‑lä cɛkʋbhë gozo. 'Dëvlo cii‑ lä sɔɔ nä, Zozii lä ɩ cio‑ ‑mɔɔ Laagɔ‑bɔɔgʋʋ 'mnö nynä ‑mä, Kwlienyɔ ‑naa Laagɔ, ‑naa ylɔɔ ‑lä gbɩɩ'!