Popular Bible Verses from Záan 15

Share

Mɔ́ɔ ŋwɔ́ɔ glàyʋ̀vòò, ɩ́zà amɔ ɔ̀ ŋwɔ́ɔ glàyʋ̀vòò a lábhɩɛ́. Nyɔɔ́ nɩ̀ kʋ mɔ́ɔ mʋ́, lé mɔ́ɔ ná sɛ́fʋ nɩ̀ kʋ ɔ mʋ́ a, ɔ yi bhí kɔ́kɔ́mnɩ́ trʋ. Mà a nɩ wlʋ́ mɔ́ɔ gwá a, a nɩ́ ka lɛ́ nɩ.

Nànɩ́, cémʋ́ ɩ́ kʋ lɛ́ amɔ mʋ́ a, a kʋ sɩ́tɛ̀ mɔ́ɔ mʋ́. Mà lábhʋ yà suú sɔ́ nɩ nɩ́ jányɩ a, ʋ́ a múó nɩ́ trʋ bhúó, sɩ́tɛ̀ mʋ́ a sɛ́fʋɔ́ a nɩ nɩ́ mɔ́ɔ mʋ́ kʋ a, a nɩ́ ka bhúó trʋ.

Naa, a nɩ kʋ mɔ́ɔ mʋ́ lé ná cícíwɔlɩ nɩ kʋ amɔ mʋ́ a, a yrá wɔlɩ́ɛ́ a wà a, mà a yii yɛ́!

Amɔ ɔ̀ nɩ́ mɔ́ɔ mʋ́ gbázɩ̀, mà mɔ́ɔ ɔ̀ gbázɩ̀ amɔ mʋ́, lé ɔ̀ srʋ amɔ mà a trʋ bhí lé bhíé a na ká trʋ a, ɩ pʋ́ kɔ́ɔ̀kɔ́ a zà. Bhʋ́ wɔlɩ́ɛ́ fɩ́ɛ́ a na ká Tʋ́ɔ́ mʋ́ yráa ná ŋnɩ́ mʋ́ a, ɔ́ yi amɔ mɩ́ nyɛ́.

Wàwʋ́ɔ́ nyɔ yi ɔ liyʋ a zà ka, lé ʋ̀ yi kʋ́ zi a, ʋ́mʋ́ ŋwɔ́ɔ mà, sa ɩ̀ nyoku ɩ̀ lía a zà.

Yáa lábhʋ sɔ́ à nɩ̀ jányɩ lé ʋ̀ nɩ nɩ́ bhúó trʋ a, ɩ Tʋ́ ɔ́ɔ díú kʋ́. Ɩ́zà lábhʋ nɩ trʋ bhí a, ɩ Tʋ́ ɔ́ɔ kplʋʋ́ gɔ̀ lé ʋ́ gɔ̀ flíle, ʋ ká sɔ́kʋ́ bhí kɔ́kɔ́mnɩ́ trʋ.

A lɛ́bhɛɛ ná lɔ̀ɔ̀ ʋ́mʋ́ ŋwɔ́ɔ mà: A wàwà cémʋ́ ɩ́ wà lɛ́ amɔ a!

A nɩ trʋ bhí kɔ́kɔ́mnɩ́ lé a nɩnɩgbɩ nɩ srʋ nyʋa mà a ŋwɔ́ɔ ná kʋjɩ̀nyʋa a, ɩ́mɩ́ nà ka nɩ lé ɩ Tʋ́ a ŋwnú ká mʋ.»

Zozíi cí sɔ́kʋ́ mà: «Mɔ́ɔ ɔ̀ ŋwɔ́ɔ glàyʋ̀vòò mɔ̀glʋ̀ lé ɩ Tʋ́ ŋwɔ́ɔ glàyʋ̀làgbàà a kanyɔ.

Nyɔ nɩ nɩ́ mɔ́ɔ mʋ́ kʋ lé à kà céamúó plɩ́ a, áa pɔ́ɔ́ klá sulabhʋ bhísakʋ́ lé ɔ́ yɛ. Silabhɩɛ́ á díé kʋ́ a, ɩ nɩ yɛ a, áa tɩpɩɩ́, lé á pálɩɩ́ kosuú lé ɩ́ sie.

Náa cí sɩ́tɛ̀ lé ná lɔlɔ ká amɔ di a mnɩ́ kʋʋ̀ lé a lɔlɔ ká neé sralɔɔ̀.

Mɔ́ɔ, ɩ́ ŋwʋ́ɛ́ ɩ Tʋ́ a cícíwɔlɩ kpá, lé ɩ́ námnɩlɛ ɔ wàwʋ́ɔ́ a mnɩ́. Naa, a sɛ́fʋɔ́, a nɩ ŋwʋ́ ná cícíwɔlɩ kpá a, a yi ná wàwʋ́ɔ́ a mnɩ́ námnɩ̀.

Wɔlɩ́ɛ́ mɔ́ɔ ɩ́ yrálɛ amɔ mʋ́ a, ɩ́mɩ́ ŋwɔ́ɔ mà, a wàwà.

Ɩ nɩ ŋwɔ́ɔ la mà zɩkpaá lɩ̀à zɔ̀ a nyʋa a ŋwɔ́ɔ la a, ɩ́ yi la ŋnɩ́ ka lé á yi la amɔ wà. Mà cémʋ́ ɩ́ gbázɩ̀ amɔ mʋ́ lé ɩ́ sa amɔ zɩkpa zɔ̀ a nyʋa nyièdɩ lé ɩ́ gbʋ́gbʋ̀ amɔ a, ɩ́mɩ́ kà ŋnɩ́ a zà kɔ́ a nyʋa gblɩ̀ amɔ mʋ́.