Popular Bible Verses from Lúkɩ 13

Share

«A ŋwʋ́ fɩ́ a ká srínitòyilɛ̀ɛ̀ a mnɩ́ bléè, mà náa srʋɛ amɔ mà, kɔ́kɔ́mnɩ́ yrá yɩ́ lɛ a mnɩ́ a bléleé bhè a nɩ́ ka yɩ́ lɛ míi.

mà ŋwnɔ́ a múó kʋ̀ nyʋaá nyièdɩ a, lɩkpɩ kʋ́gbá lɩkpɩ gbàáta lɛ̀ lé nyumozùzu nie lé ɔ nɩ́ míi ɔ ká mʋ́ gbálɔ̀, ɔ́ɔ glelo mʋ́. Tányɩɛ́ mʋ́ Zozíi yɛ́ ɔ́ a, ɔ́ srʋ ɔ́, mà: «Ŋwnɔ́ɔ̀, nà gúó ya zɩmnɛ́ bhɩa.»

Ɔ́ gbɛlɔɔ́ glɔ̀gbɩ́ jɩ̀ a, ŋwnɔ́ɔ́ kʋ dáamúó lé ɔ́ yalɩma lé ɔ́ bháa ʋ́ Lagɔ a ŋwnú fafʋ́ kʋ́.

Bhʋ́ a tányɩɛ́, nyʋa à nà kà bɩ́ bhɩa, á nyièdɩ a bhlɔ̀bhlɔ̀ ana yi drɩ̀ plɩ́ɩ̀ lé ànàà kʋ̀ la drɩ̀ a, á yi bɩ́ plɩ́ɩ̀.»

Tányɩɛ́ mʋ́ gbó a kanyɔ nɩ bhle yɩ́ lɛ ɔ gbó a, jrùkʋ́ a na ká lɛ kʋʋ lé a ká lɛ kplu bhɩtɩ a ká cí mà: Kanyɔɔ̀, ɩ́ bhìè ka àmɔ̀ gbó klʋ́ àyé, bhʋ́ ɔ́ na ká yɩ́ lɛ amɔ srʋ mà: Nɩ́ amɔ yì!

À nɩ́ sáà ɩ́mɩ́ ŋwɔ́ɔ, sɩ́tɛ̀ mʋ́ ɩ́ cí mà, a nɩ nɩ́ aa nyumoé a gbʋ́ wlʋ́ a, cémʋ́ nyʋa kú lɛ́ a, sɩ́tɛ̀ mʋ́ a na ká kúu.»

Ɔ́ yi sɔ́kʋ́ amɔ srʋ mà: Nɩ́ kɛ̀ nyʋa a ŋwɔ́ɔ a, yì, a wlʋ́ mɔ́ yɩ́ kʋ́, amɔɔ́ nie nyumogbɩ̀ɛ̀ a!

Zozíi cí sɔ́kʋ́ mà: «Lɛ́gbá wlʋ́ʋ lɛ́ Lagɔ a Léyibhlɩɛ́ lɩ̀à a? Lɛ́gbá ɩ́ yie lɛ́ kɛtɛkʋ́ pápa áa? Mà nɩ̀ yɛ́ɛ a, nànɩ siyue tòyilɛ̀ á wlele mutádɩ̀yie a, lé nyɔ glɩ ɔ zalɩdɛ́ɛ a mnɩ́ a, lé ɛ̀ wlʋ́ lé ɛ́ nyniì, lé ɛ plɩ́ su kádʋ lé nimni páa ʋ lábhɩɛ́ a mnɩ́ níní a.»