Popular Bible Verses from Lúkɩ 14

Share

«Nyɔɔ́ nɩ̀ cí mà ɔ̀ kà mɔ́ kʋ́ jɩ́ a, ɔ wà mɔ́ lé ɔ zi ɔ tʋ́ kʋ́, ɔ nɛ́ kʋ́, ɔ ŋwnɔ kʋ́, ɔ yʋ́, ɔ nɩ́ayúó lé ɔ nyoku sɔ́ kʋ́, à nɩ nɩ́ sa ŋwɔ́ɔ a, ɔ nɩ́ ka ná kʋjɩ̀nyɔ plɩ́.

Nyɔɔ́ nɩ ka ɔ kúsu a gbɩdɩɛ míi lé ɔ̀ kà mɔ́ kʋ́ jɩ́ a, ɔ nɩ́ ka ná kʋjɩ̀nyɔ plɩ́.

Ná srʋɛ amɔ mà, nyɔ nɩ bhá ɔ nyoku kʋ́ a, Lagɔ ɔ́ɔ kwléloó sá, ɩ́zà nyɔɔ́ ɔ̀ kwléle ɔ nyoku sá a, ɔ́mɔ́ Lagɔ bhá kʋ́.»

Náa srʋɛ amɔ, nyɔɔ́ ɔ̀ nɩ ka ɔ kakalɩɛ́ fɩ́ɛ́ a gbʋ́ wlʋ́, lé ɔ̀ ká mɔ́ gɔ̀ yi a, ɔ nɩ́ ka ná kʋjɩ̀nyɔ plɩ́.

Náa yrá ca a, a nyièdɩ a nyɔ gbá nɩ̀ yrá lé ɔ̀ kà wlʋ kádʋ pá, lé ɔ̀ nɩ́ bɔ́ɔ fɩ́ɛ́ sá lé ɔ̀ kà bhobho lé moníe ɔ́ ka a, ɩ nɩ yi míi lé ɩ nɩ yi wlʋɔ́ zɔ̀ bhɩa a, ɔ kɩ́ɩ́ yɩbhlɩ áa? Ɔ nɩ srí wlʋɔ́ lé ɔ nɩ nɩ́ ʋ́ pápʋ́ zɔ̀ bhɩa, nyʋaá fɩ́ɛ́ nà kɔ̀ɔ̀ yɛ́ a, á yió nyɩà. Lé a yi lɛ́ cí mà: A lɛ́bhɛɛ nyɔɔ́ lɩ̀à, ɔ cíe wlʋ a pápʋ́ kʋ́, mà ʋ́ sɩɔ́, ɔ nɩ́ ʋ́ zɔ̀ bhɩa!

Naa nɩ̀ cí mà kà nyʋa lilie a zà nà gbó wle a, wle ŋazɩ̀nyʋa, bhlɛ́kanyʋa, bhɩbhlanyʋa, wle yɩ́bhlanyʋa. À nɩ̀ ŋwɔ́ɔ ámá nɩ̀ wle a, yà pʋ́, máà bhʋ́anaá nɩ́ ka mɔ̀ lelilɩ a zà wle lé a ká aa kpa pɛ́ɛ, Lagɔ nà kà kɛ́zɔ̀ mɔ̀ pɛ́ɛ yruó kʋ́ nyʋaá à bhli Lagɔ̀nyùzɔ a, á na ká kɛ́zɔ̀ galɔ̀ a.»

A lɛ́bhɛ gùu, ʋ́ náa, mà ʋ nɩ yi la mɛ́nɩmɛ bhɩa a, cégbá á yi la sɔ́kʋ́ mʋ́ mɛ́nɩma áa? Ʋ nɩ́ yɩ́ la céana a ninie ka. Ʋ nɩ́ ka la dʋdʋ̀ a mnɩ́ kʋ́ náma, lé a nɩ́ kʋʋ la sáà aglɛ́ɛ kʋ́ bhá, áa yi yɩ́ la mʋ́ klá pá. Ɔ̀ nɩ̀ kà nyúkwlí ɔ̀ kà nú a, ɔ nú!»