Popular Bible Verses from Lúkɩ 4

Share

Kanyɔ Lagɔ a zuzu kʋ mɔ́ɔ jɩ̀. Mɔ́ɔ ɔ́ saà, lé ɔ́ cíe lé ká Lagɔ a Námadìè ŋazɩ̀nyʋa srʋʋ̀. Ɔ́ɔ cíe mɔ́ɔ lé, Nyʋaá kʋ̀ bhlí a, a ká flíi, Nyʋaá à nɩ́ yɛ́ kʋ́ a, a yɩ́ ká wlée, Nyʋaá á bhlile géyisa kʋ́ a, a ká flíi. Lé Kanyɔ Lagɔ a nyúpalʋkpaá a yruó ʋ̀ yie ŋnɩ ka a, Ká amɔ mʋ́ pápa a.

Bhʋ́, Zozíi srʋ ɔ́ mà: «Ɩ́ jɩ́jrɔ̀ mà: Nà Kanyɔɔ́ ɔ̀ ŋwɔ́ɔ nà Lagɔ a, ɔ́ a múó coco, ɩ̀ kà lé kà bʋbɔ̀, ɔ́ a múó coco, ɔ́ drɩ̀ ɩ̀ kà, lé kà koti sá sra».

Bhʋ́ Zozíi srʋ ɔ́ mà: «Á jɩ́jrà Lagɔ̀bɔ̀gʋ a mnɩ́ mà: Flɔ́ɔ a múó ʋ̀ nɩ́ nyɔ a lelilɩ ŋwɔ́ɔ. »

Blɔ̀blɔ̀zùzùò kwlíi Zozíi jɩ̀, ʋ́ kʋ ɔ́ jɩ̀ lé ɔ́ wlʋ́ Zrʋdɛ́ɛnyié gɔ̀ lé ʋ́ fɔɔ́ zɩkpɩkɔfʋ́ a mnɩ́.

Dɩ́blʋ̀ɔ̀ cí saá a, Zozíi srʋ ɔ́ mà: «Á jɩ́jrà Lagɔ̀bɔ̀gʋ a mnɩ́ mà: Nɩ̀ɩ ka lé kà Kanyɔɔ́ ɔ̀ ŋwɔ́ɔ nà Lagɔ a, zɔ̀ saà! »

Dɩ́blʋ̀ɔ̀ bhɩa Zozíi a zɔ̀ sasʋ́ zɔ̀ a, ʋ́ʋ wlʋ́ ɔ́ gɔ̀ lé ʋ́ mʋ gláa ka tányɩ ànɛ a zà.

Lé Dɩ́blʋ̀ɔ̀ gblálɔɔ́ lagowlú, lé ʋ́ tʋalɔɔ́ kɔ́ zɔ̀ a léyibhlɩɛ́ fɩ́ɛ́ lé ʋ́ srʋ ɔ́ mà: «Léyibhlɩɛ́ fɩ́ɛ́ lɩ̀à, mɔ́ɔ á nyɛ́ɛ́, ɛ yà ɛ mnɩ́ a léyrie fɩ́ɛ́ sɔ́, nyɔɔ́ ɩ́ wà a, ɔ́mɔ́ ná kɛ́ɛ́ nyɛ́, ɩ́ yi mɔ̀ mɛ́ nyɛ́. Mà nɩ̀ sra fɩ́ɛ́ mɔ́ɔ wlú lé nɩ̀ bʋbɔ̀ mɔ́ɔ a, ɩ̀ yi ʋ́ ɛ́ lɔ̀fɩ́ɛ́ lɩ̀à bhá mɔ̀ kɛ̀ɛ!» Bhʋ́, Zozíi srʋ ɔ́ mà: «Ɩ́ jɩ́jrɔ̀ mà: Nà Kanyɔɔ́ ɔ̀ ŋwɔ́ɔ nà Lagɔ a, ɔ́ a múó coco, ɩ̀ kà lé kà bʋbɔ̀, ɔ́ a múó coco, ɔ́ drɩ̀ ɩ̀ kà, lé kà koti sá sra».

Lé Dɩ́blʋ̀ɔ̀ fɔɔ́ Zelízalɛ́mʋ, lé ʋ́ gbláalɔɔ́ Lagɔ̀wlʋ̀ɔ̀ a tàye kʋ́, lé ʋ́ srʋ ɔ́ mà: «Nɩ̀ ŋwɔ́ɔ cɩ́cása Lagɔ a Yuwliyʋɔ́ a, wlʋ́ dɛ́ lagowlú, lé blì lé kwlíi dʋ̀dʋ kʋ́. Máà á jɩ́jrà mà: Lagɔ yi ɔ kplɔkplɔzìzi srʋ lé ɩ́ yi mɔ̀ dɛdɛ̀. Lé ɩ́ yi mɔ̀ glɔ̀gbɩ́ zɔ̀ tʋa lé, nà bhɔɔ́ nɩ́ ka cɔ́kʋ gʋ́zʋ̀. » Dɩ́blʋ̀ɔ̀ cí saá a, Zozíi srʋ ɔ́ mà: «Á jɩ́jrà Lagɔ̀bɔ̀gʋ a mnɩ́ mà: Nɩ̀ɩ ka lé kà Kanyɔɔ́ ɔ̀ ŋwɔ́ɔ nà Lagɔ a, zɔ̀ saà! »