Popular Bible Verses from Lúkɩ 8

Share

Glɩglɩlɩɛ́ ɩ̀ bhli námadʋ̀dʋ̀ɔ̀ mnɩ́ a, ɩ́mɩ́ ŋwɔ́ɔ nyʋaá núé Lagɔ̀wɔ̀lɩ̀ɛ̀ lé à bhlilií námasa kʋ́, lé à ŋwʋ́ɩ́ duo kʋ́ a, bhʋ́anɩ nyʋaá ka kɔ́ɔ̀kɔ́ Lagɔ a fádùò lé á trʋɛ námabhi.

Glɩglɩlɩɛ́ ɩ̀ bhli nyníci kpaká a mnɩ́ a, ɩ́mɩ́ ŋwɔ́ɔ nyʋaá à núé Lagɔ̀wɔ̀lɩ̀ɛ̀, lé zɩkpa zɔ̀ a bhobhoé, mɔ̀ɔ a léyri, mɔ̀ɔ a mɛ́nɩmɛɛ́ sɔ́ gbíé Lagɔ̀wɔ̀lɩ̀ɛ̀ wlú, ɩ́ nie lé ɩ nɩ́ trʋ bhí lé bhíé ká zalɩma.

Cɔ́kpalɩ́dʋ̀dʋ̀ɔ̀ mʋ́ ŋwɔ́ɔ nyʋaá à núé Lagɔ̀wɔ̀lɩ̀ɛ̀ lé ɩ́ ka lɔlɔ kʋ́ a, mà zɔ̀bhɩ̀àdàà a, á Lagɔ̀wɔ̀lɩ̀ɛ̀ nɩ́ ŋwʋ́ sikplií, á ka flɛ́ɛsa Lagɔ a fádùò á, mà a nɩ yɛ́ nyakalɩ tòyipɛ Lagɔ̀wɔ̀lɩ̀ɛ̀ mnɩ́ a, áa wlʋ́lɛ Lagɔ gwá.

Lé ɔ́ yrá kʋjɩ̀nyʋ̀àà mà: «Dɛ́gbá a ŋwʋ́ aa ditátɩ́ɛ́ à?» Ŋanɩmɛ yi la kʋ́, lé neé mnaá, lé á yráyra á nyoku mà: «Nyɩ́kpɔcegbá lɛ̀ bhè ɔ̀ cíle vʋ̀vɔ̀lʋ yà nyíé sɔ́ gɔ̀, lé ɩ́ ŋwʋ́ɛ́ ʋ́ a?»

Nyʋaá kʋ̀ nyúzɔ̀ɔ̀ gɔ̀ a, ámá ŋwɔ́ɔ nyʋaá à núé Lagɔ̀wɔ̀lɩ̀ɛ̀ lé Dɩ́blʋ̀ɔ̀ yie lé ʋ́ sa à mɩ́ duo kʋ́ a, bhʋ́anɩ nyʋaá nɩ ka Lagɔ a fádùò ka, a nɩ ká ʋ́ neé wlʋ́.

Bhʋ́ lɩ́ɛ́ fɩ́ɛ́ ɩ̀ zúzùò a, á yɩ́ɩ́ lé wɔlɩɛ́ ɩ̀ nilo koti kʋ́ a, ɩ́ flʋɛ zɔ̀.

Mà ŋwnɔ́ɔ́ yɩbhlɩ Zozíi a yɩ́ a mnɩ́ a wɔlɩ́ a, ŋanɩmɛ yilo kʋ́, kpɩkpɩ tɩtɛlɔɔ́, lé ɔ́ yi lé ɔ́ bhli Zozíi drɩ̀, lé nyʋaá fɩ́ɛ́ a klʋ́ jɩ̀, wɔlɩ́ɛ́ kà ŋnɩ́ lé ɔ́ gbɔ́ɔ a, bhè cémʋ́ ɔ́ ya kakamnɩ́lɛ́ lɩ̀à yalɩma a, ɔ́ sa mɔ̀ɔ ɩ́ lɔ̀fɩ́ɛ́. Ɔ́ bhɩa zɔ̀ a, Zozíi srʋ ɔ́ mà: «Ná yʋ́ʋ̀, mɔ̀ mɔ̀glʋ̀ nàa fádùò ya mɔ̀ pʋ́a. Plɩ́ kà mʋ!»

Bhʋ́ á ŋnɩ ɔ́ gɔ̀, lé á galɔ̀: «Másɛɛ̀, Másɛɛ̀, à yà tuo!» Lé Zozíi wlʋ́ yrá lé ɔ́ gáa vʋ̀vɔ̀lʋ̀ɔ̀ yà lákwʋɛ́ sɔ́ kʋ́, fɩɩ́n bhè ɩ́ mʋ dʋ̀dʋ kʋ́, lé nyíé a klʋ́ plɩ́ diin.