Popular Bible Verses from Málɩ́kɩ 14

Share

Ɔ́ bhibhie a, ɔ́ anɩ́: «Wé! À Tʋ́ʋ̀, ɩ́ yì saá mà mɔ̀, ɩ̀ míile wɔlɩ́ɛ́ fɩ́ɛ́, naa ɩ́bhìè yi bhè wláa mɔ́ɔ nyakalɩɛ́ fɩ́ɛ́ lɩ̀à gwá! Aan, nàa nɩ cémʋ́ ɩ́ yrá a, mà, nɩ cémʋ́ mɔ̀ nà duo wà a!»

Lé ɔ́ srʋ á, ɔ anɩ́, a ná ŋwɔ́ɔ, a bhibhiè bhè nyumozìzi a pɔ́wa nɩ ka ayɩ nyúzɔ kʋ́ sa à. Wé! Nyɔ a wúgɔ ká yɩ́ la fɩ́, mà yɛ́kɛ́ɛ́ ɛ́mɛ́ nɩ́ yɩ́ fɩ́ kà!»

Na srʋɛ amɔ cɩ́cása a mnɩ́ mà, zɩkpaá lɩ̀à zɔ̀ bhlɩ́ɛ́ fɩ́ɛ́ jɩ̀ á na ká Lagɔ a Námadìè sa a, ŋwnɔ́ɔ́ lɩ̀à, wɔlɩdrèè ɔ́ nɩ lɛ́ zɩmnɛ́ a, a nɩ́ ka á kɔ́ɔ̀kɔ́ kʋ́ drʋ, á yi a kɔ́ɔ̀kɔ́ cí.»

Lé ɔ́ srʋ á, ɔ́ anɩ́: «Ná zuzu kʋ́ʋlɛ, lé na ká kú. Naa, a tuo dɛ́, a ná ŋwɔ́ɔ.»

Tányɩɛ́ mʋ́ á kʋ liìda a, Zozíi bhá flɔ́ɔbhuo lé ɔ́ pá á nyú, lé ɔ́ dédìè a mʋ́ lé ɔ́ bhábha ɔ́ kʋjɩ̀nyʋ̀àà. Ɔ́ anɩ́: «A bhá mà ná yɛ́kɛ́ kʋ̀ʋ!»

Lé Zozíi bhá sɔ́kʋ́ duváaplɩ kʋ́ lé ɔ́ pá duváa nyú, lé ɔ́ nyɛ́ á lé á lɔ̀fɩ́ɛ́ mná. Lé ɔ́ srʋ á, ɔ́ anɩ́: «Àlɩa ŋwɔ́ɔ ná dòlú. Dòlúó lɩ̀à, ʋ́mʋ́ ŋwɔ́ɔ mɛnʋ́ yalʋ á dòlúó ʋ̀ kɔ́sɔ nyʋa kɔ́kɔ́mnɩ́ a zà sá.

Lé Zozíi srʋ ɔ́ kʋjɩ̀nyʋ̀àà, ɔ́ anɩ́: «Cémʋ́ ɩ́ jɩ́jràlɔ̀ Lagɔ̀bɔ̀gʋ a mnɩ́ mà: Bhlábhlɩ́ɛ́ a dɛdɛ̀nyɔ̀ɔ̀ ɩ́ yio bhlá lé bhlábhlɩ́ɛ́ yi sá jɛlɔ̀ a, sɩ́tɛ̀ tɛ̀ɛ̀ ɩ́ na ká nilo. A yi gú lé a yi sá jɛlɔ̀.

A soglù à ka mʋ mà ná pɛ́lʋ́ŋwʋ̀nyɔ̀ɔ̀ ɔ́mɔ́ ɔ̀ yie ɔ̀!»

Bhʋ́ Zozíi srʋ ɔ́, ɔ́ anɩ́: «Pɩ́ɛ́lɩ ná srʋɛ mɔ̀ cɩ́cása a mnɩ́ mà mɔ̀, zɩmnɛ́ a yruó lɩ̀à kʋ́, dɩ́bɩ̀ɛ̀ lɩ̀à bhlɔ̀bhlɔ̀, tányɩɛ́ mʋ́ zizɩ̀èdɩ̀kɔ̀kʋ̀ɛ̀ ká sɔ́ɔ da wɔlɩ́ pá a, ɩ̀ yi fɩ́ɛ́ ta a kʋ́ ziè mà nɩ́ mɔ́ɔ yì.»