Popular Bible Verses from Málɩ́kɩ 13

Share

Lé nyʋaá fɩ́ɛ́ yi amɔ mʋ́ gblɩ̀ ná zà. Mà nyɔɔ́ ɔ̀ nà kà duo kʋ́ tɛ́maá lé bɩ́kʋ́bhɩa yruó ká ŋnɩ a, ɔ́ yi ʋ́ neé wlʋ́.

Naa, cémʋ́ a nɩ́ lɛ́ tányɩɛ́ yì a, a ná ŋwɔ́ɔ mà, a dɛdɛ̀.

A nɩ tɔ́pʋ amɔ lé a nɩ fa amɔ zúzu a dú a, ŋanɩmɛ ná bhlá amɔ, wɔlɩ́ɛ́ a na ká cí a, zà. Mà wɔlɩdrèè nà kà amɔ dáamúó duo kʋ́ bhli a, a cí á, mà Blɔ̀blɔ̀zùzu ŋwʋ́ amɔ má neé.

Lagɔ yà dʋ̀dʋ sɔ́ yi plɩ́, mà ná niwɔlɩ nɩ́ ka kɔ́ɔ̀kɔ́ plɩ́.

Ɛ̀ nɩ ŋwɔ́ɔ yruó yà glíiyie sɔ́ a, nyɔ nɩ́ ɩ́ yì. Kplɔkplɔzìzi nɩ́ sáà mɩ́ yì, lé Lagɔ a Yuwliyʋɔ́ mɔ̀glʋ̀ɔ̀ nɩ́ɩ́ sáà yì, mà ɔ Tʋ́ a múó coco ɔ́mɔ́ yìì.

A yi tʋ́ a wɔlɩ́ nú, lé a yi sáà ʋ́ yrè nú, mà di ná gbláa amɔ nyú. Ɩ́ ka lé ɩ ká saá plɩ́ɩ, mà zɩkpaá bhɩa bhɩa tányɩɛ́ nɩ́ àyɩ ŋnɩ.

Mà, cémʋ́ a nɩ́ tányɩɛ́ mʋ́ kanyɔɔ́ na ká yi a yì a, a ná ŋwɔ́ɔ. Àà! Kosúgbòsa ɔ́ yie yɩ́ ò! Dʋdʋ́kádʋʋ́ ɔ́ yie yɩ́ ò! Zizìèda ɔ́ yie yɩ́ ò! Geglìà ɔ́ yie yɩ́ ò! À nɩ́ɩ́ yì. Ɔ nɩ vídè kʋ́ lé ɔ nɩ yi a, ɔ́ yi amɔ yrá ŋnɩ. Wɔlíɛ́ ɩ́ srʋɛ lɛ́ ayɩ dɛ́ a, nyʋaá fɩ́ɛ́ ɩ́ srʋ ɩ́ lé á ká dɛdɛ̀.»

Bhlɩ́ yi glù sɔɔ̀ lé ɛ́ yi ɛlibhlɩ tʋ́ fa. Lé léyibhlɩ yi glù sɔɔ lé ɛ́ yi ʋ li léyibhlɩ tʋ́ fa. Bhlɩ́ kɔ́kɔ́mnɩ́ jɩ̀ a dʋ̀dʋ yi tɩtɛɛ̀, lé kɔkwɛ yi sáà pla. Bhʋ́anɩ nyakalɩɛ́ fɩ́ɛ́ lɩ̀à yi wlʋ́ mànɩ́, cémʋ́ gbádɩ̀ŋwnɔ nɩ yrá ɔ ká va a, ɩ́ nyakalɩɛ́ ɔ́ yɛ́ lɛ́ a.

Mà Lagɔ a Námadìè ka lé ɩ ká fɩ́ɛ́ bhlɩ́ɛ́ fɩ́ɛ́ jɩ̀ cílo.

Kɔ́kɔ́mnɩ́ yi yi, lé á yi ná ŋnɩ́ fa. Á yi cí mà: Ámá ŋwɔ́ɔ Kláyɩ́sɩ, lé á yi nyʋa kɔ́kɔ́mnɩ́ nyɩ́glɩ̀.

Mà amɔ, a mányɩ a nyoku kʋ́. Nyʋa yi amɔ tʋ́ ku, á yi amɔ zúfʋcɛcɩghlɩ a mnɩ́ kʋ́ bhlii lé á yi amɔ bhɩtɩ. Á yi sáà amɔ gɔ̀mnànyʋa yà léyuo sɔ́ a drì tɩ́tɩ́ ŋwʋ́ ná zà, a ká mɔ̀ɔmɔ̀ ná ŋwɔ́nɩ́srɩ̀lɛ nɩ ɩ́ zà.

Kpɔkplányʋa yi sáà yi lé á yi a nyoku Kláyɩ́sɩ wleè, lé kpɔkplá lagɔ̀ɔ̀ a nékʋ́cinyʋa yi sáà yi. Á yi lɛ̀wɔ̀lɩ yà zʋ̀zʋ̀àwɔ̀lɩ sɔ́ nɩ lé áa nɩ yi míi a, nyʋaá Lagɔ pá lɛ́ ŋnɩ́ lé ʋ́ wle lɛ́ a, á ká á nyɩ́glɩ̀.

Ɩ́ yrií a mnɩ́, bhʋ́anɩ kalɩmɛ nɩ plɩ́ a, yrʋ́gàvlà yi tríma, lé cʋ́ nɩ́ ka yɩ́ sáà lʋ. Lagɔ̀dràà yi bhli, lé pɔ́wa kádàà fɩ́ɛ́ kʋ lagɔɔ́ a, á yi gbʋgbɔ̀lɔ̀.