Popular Bible Verses from Matthew 27

Share

And aboot the ʼoor oʼ thrie, Jesus cryʼt oot wiʼ a great voice, sayin, “Eli, Eli, lama sabachthani!” that is, “My God! My God! for why did Thou forsake me?”

And look! The Temple‐veil was riven in twa, frae tap to bottom, and the grund trimmlʼt and the rocks war cleft; And the tombs war openʼt; and a hantel oʼ the bodies oʼ the saunts wha had faun asleep, raise

And Jesus cried oot again wiʼ a great voice, and gied up his spirit.

And the officer, and they that war watchin Jesus, whan they saw the yirth trimmle, and the things that war dune, war uncolie fleyʼt, sayin, “Truly, this was Godʼs Son!”

Noo, frae the ʼoor oʼ twalʼ, thar was black mirk ower aʼ the kintra, to the ʼoor oʼ thrie.

Pilate says to them, “Than what sal I do wiʼ Jesus, wha is caʼd Christ?” They aʼ say, “Lat him be crucifyʼt!” And he said, “Why sae? What ill has he dune?” But they cryʼt oot fierce and lang, “Lat him be crucifyʼt!”