Popular Bible Verses from Yohana 10

Share

Omusuma takuletwa kindi, kutali kwiba no kubaga no kuhenahena. Ine nkeza, niho babone obulame, kai babubone bwingi muno.

Ine ndi mulisya muzima. Omulisya muzima akuteraho enabalega ze omwoyo gwe.

Enabalega zange zikuhulira ilaka lyange; kai n’ene nkuzimanya, zikunduba.

Kandi nkuziha obulame obutahwaho, tizilibura nangu nangu, kandi si tihaliho alizinaka mu ngaro zange.

Ine ndi mulyango. Omuntu akutahira hal’ine, akuchunguka; akutaha, nahuruka, nasanga ebyo kulya.

Ine ndi mulisya muzima, nkumanya enabalega zange, kai enabalega zange zikummanya

Tata ayazimpere akukira bona, taliho akuhicha kuziha mu ngaro za Tata. Ine na Tata tuli omo.

nk’okwo Tata akummanya, n’ene nikwo nkumanya Tata; kai nkuteraho enabalega zange omwoyo gwange.

Tihaliho muntu akugunihaho, nawe ine n’ine nkugutaho omwene. Kai ndi n’obuhicha bwo kugutaho, kandi n’obuhicha bwo kugusubya: ekilagiro echo nkakihabwa Tata.

Mbe Yezu nasuba kubagambira ati: Koto koto nkubagambira nti: Ine ndi mulyango gw’enabalega.

Nawe akulisiza empera, atali ninazo, enabalega zitali ze, k’akubona omusege nigwiza, akwiruka nasiga enabalega; omusege nigukwat’enabalega, niguzinyarambula.

Koto koto nkubagambira nti: Atakuraba mu mulyango kutaha mu kibuga ch’enabalega, nawe akahanamira handi, ogwo ni musuma n’omunyagi.