Popular Bible Verses from Lwiikö 10

Share

A yɩɛ, n kanyɩ 'mötɛɛnɔ 'nyɛ, ɛ yi tɩma oo, ɛ yi ‑Lagɔgbïti oo, a 'kɩ ‑gömö nɛmönɩ, a 'kä a ‑gblɩnyɔ 'a 'mötɛɛnɔɔ 'wuë 'wʋ 'titlimö. Ɔ 'naa 'kanyɩ ‑lu a'bhë nʋ 'lɩlɩlɩ.

Maatɩ gbää sa'aa, Zezwii lɛ naa: «‑Nmö ‑naa Maatɩ, ‑li a ‑bɛ a gbʋʋ plɛnɩmöä, yɩ za ‑n ylɔɔ. ‑Maa ‑lu ‑bhlʋ ‑kpöö, mʋʋ kää tenyii dɛsɛ. 'Mö Malii ‑sɛɛ dɛ'ɛ ‑lɛ. Mʋʋ nɛnɩɛ, 'mö nɩkpɛ 'naa 'kɔɔ 'kwädlɩ kä'mö ‑sɛ.»

Ɔ lɛ naa: «Sɛ'ɛ yɩ cɛlɩɛ ‑mä nɩɩ: ‑Na ‑lowli Lagɔ, ‑n kä ‑n 'kɔ ‑wa, ‑mä ‑na'a dlɩɩ 'wuë zɛmö, ‑na'a dlɩpäsaa 'wuë 'mö, ‑na'a 'mötɛɛnɔɔ 'wuë 'mö, ‑na'a ‑bhölɩbhölɛɛ 'wuë 'mö. 'N sɛɛ ‑n ‑waa ‑nanyɩ ‑wa ‑sɩbhä ‑na 'lilɛ. »

Wa lɛ 'kää möä yii, 'n ɔ yuëë 'dɩ 'nyɛ, ɔ lɛ naa: «Lagɔ 'a 'lagblɛɛ, ɛ 'ghïli tenyii, 'n ɛ ‑zɛ, ‑maa nɩkpa ‑wa 'kää ‑mä ɛ 'mö libho nʋʋ, wa'aa ‑zu. Zaa, a nɩ bhibhe 'lagblɛlowlii yɔwʋ, ɔ 'kä libhonʋwa ‑mumuë 'wʋ 'libhï, ɔ 'kʋä ‑mä 'ɔ 'lagblɛɛ 'mö kwä.

Zaa, ‑na dɔ'wʋ, nɩkpɛɛ jɛzlʋwaa 'lɩbhää da'a 'kukusɛɛ, nɩkpa 'la ta ‑kpɔ gla'mö a ‑mɔɔ 'zʋ bhä ɔ 'lilɛ 'nɩ?» Ɔ lɛ naa: «‑Ɔ pää ɔ ngäzɩdlɩɩ, mɔɔ 'zʋä ɔ 'lilɛ.» Zezwii lɛ naa: «‑Aa! Zaa, sɛ ɔ 'zʋä da'aa, ‑n ‑kä möö, 'zʋmö ‑sɩbhä.»

A yɩɛ, sɛ wa pä'ɛ gbï jijo'wʋ wïlaa, ‑sɩbhä n ‑wʋanyɩɛ dɛ'ɛ ‑mä nɩkpa jijo'wʋ tie dɔ'wʋ. Zaa, a nɩ mö.