Popular Bible Verses from Lwiikö 9

Share

‑Maa a 'wuë, abhʋa n nyɛɛ dɛ'ɛ 'dɩ nɩɩ, ‑ɔ ‑kä ɔ ‑kaa ‑gänɩɩ, ɔ nɩ ‑sɛ ɔnyɩ dlɩ. Sɛɛ zila zɩɛ 'yize, ɔ nɩ ‑su 'ɔ 'klʋkʋnɩsuu ɔ ‑kaa ‑gänɩ.

Ɛ'ɛ ‑bhö nyɩasɛ, ‑maa ‑ɔ ‑kä 'ɔ pɩwʋʋ 'wʋ gwɩ ɔ 'käa 'pʋ a za‑a, mɔɔ 'kää 'yli bhɩɛ. ‑Maa ‑ɔ ‑kä ɔnyɩ dlɩ ‑sɛ ɔ 'kä na gbʋ 'mö 'kuu, ɛ nɩkpɛ 'la, mɔɔ 'kää 'pʋ.

Ɔ lɛ naa: «Nɩkpɛ ‑mɔɔ plɛnɩɛ 'yioo 'wë ɔnyɩ dlɩ ‑gää nimïï, 'pɩwʋ mää Lagɔ 'kämanɩɛ a dɔ'wʋ, ɔ 'naa 'kä 'yuku ghlɛ.»

Sɛ'ɛ n gbää nɩɩ, ‑n ‑kä mä'ä 'pɩwʋ a ‑lii 'wuë ghlɩ 'wë, 'n ‑na'a 'wugaa ‑kä tʋʋ, dɛ yɩ kä bhä ‑na dɔ'wʋ sɛ 'nɩ?

'Dɩ n nyanyɩɛ dɛ'ɛ nɩɩ, zɩla'a ‑kä yii, Nɩkpɛ a 'Yu, ɔ yi 'ɔ 'ghïlinɔɔ 'mö mä'ä dʋdʋ 'wʋ yinɩ. ‑Lɛ a dɔ'wʋ, Lagɔ 'a 'ghïlinɔɔ mʋʋ 'kɔɔ ‑gömö ‑wʋ, Lagɔzuzukuu 'kɔ ‑binɩ, ɔ 'kä yi. ‑Maa ‑ɔ ‑kä na zʋ plɛ, ‑ɔ ‑kä'ɛ 'na wɛlɩɩ a zʋ plɛɛ, Nɩkpɛ a 'Yuu, ‑zlɩ ɔ ‑kä yii, ɔ yi'ɛ ɔblɩ ɔ zʋ plɛ.

Zezwii lɛ naa: «‑Gätlɩzlɛya mɩɩ kää 'mögʋʋvïli, 'zɩ mɩɩ kää 'lwɩlwɩ. ‑Maa Nɩkpɛ a 'Yu, dɛ a'bhë ɔ 'kä sɛ'ɛ 'ɔ 'wukpëlea sɛ 'pïlaa, ɔ'ɔɔ ‑lɛ ‑kä.»

'N ɔ yuëë 'dɩ 'nyɛ, ɔ lɛ naa: «Sɛ'ɛ a 'ywilɛ, ‑ɔ ‑kɔɔ na 'nglɩ 'mö pälaa, na'bhë, ‑amö ɔ yɛɛ päla. 'N ‑ɔ ‑kaa pälaa, ‑ɔ tieaaa 'mö ɔ yɛɛ pälamö. Ɛ'ɛ ‑bhö nyɩasɛ, ‑maa ‑mɔ a laa abhlɩ ‑mä a gla'mö a dɔ'wʋ 'tikëyii, mɔɔ glɩnɩɛ 'kɔdɔɔ.»