Popular Bible Verses from যাত্রা 4

Share

মাত্তর্‌ লগেপ্রভু তারে কলঅ, “মান্‌‌জ্যর মুয়োনি কন্না বানেই দিয়্যে? কন্না তারে বুব্‌, বহ্‌রা, চোখ কান্‌ গোজ্যে? আর কন্না বা তারে চোগোদি দেগিবার্‌ খেমতাগান্‌ দিয়্যে? সিবে কি মুই লগেপ্রভু নয়? তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

মোশি লগেপ্রভুরে কলঅ, “মাত্তর্ প্রভু, মুই কনঅ দিন গমেডালে কধা কোই ন-পারং। আগেয়ো ন-পারং আর তর্‌ এ চাগর্‌বো লগে তুই কধা কনার্‌ পরেন্দিয়ো ন-পারঙর্‌। মঅ মুয়োনত্‌ কধানি বাঁজি থায়, মঅ ঝিলান্ ঘুয়োর্‌।”

এ কধাগান শুনিনে লগেপ্রভু মোশি উগুরে রাগে জুলি উদিলো। তে কলঅ, “তর্‌ ভেই লেবীয় হারোণে কি নেই? মুই হবর্‌ পাং তে অমহদ গমেডালে কধা কোই জানে। তে তঅ লগে দেগা গুরিবাত্তে এজের্‌। তরে দেগিলে তে অমহদ হুজি অবঅ।