Popular Bible Verses from मरकुस 12

Share

तब येसु ओकरा जबाफ देल्‍कै, “सबसे महान आग्‍या एह्‍या चियै, ‘हे इजराएलके बासिसब सुन, परमपरभु अपनासबके परमेस्‍वर एकेटा परमेस्‍वर चियै। तु परमपरभु आपन परमेस्‍वरके सरा हिरदयसे, सरा परानसे, सरा समझसे आ सरा सक्‍तिसे परेम कर।’ आ दोसर बरका आग्‍या यि चियै ‘आपन परोसियाके आपने जखा परेम कर।’ अइसे कोनो बरका आग्‍या नै छै।”

तब येसु चेलासबके आपनलग बोलाके कहल्‍कै, “साच्‍चे हम तोरासबके कहैचियौ, यि गरिब बिधुवा औरो लोकसबसे बेसी दान करने छै। कथिलेत औरो लोकसब बेसी भेल उबरल-पुगरलमेसे दान करने छै महज यि बिधुवा त आपन जिबन चलाइबला सरा कमाइ चरहाइने छै।”

तब येसु मन्‍दिरके दान बाकस लग बैठ्लै आ लोकसबके आपन-आपन दान बाकसमे राखैत देखल्‍कै। बहुत धनिक लोकसब बहुत पैसाकौरी चरहेल्‍कै। महज ओते एकटा गरिब बिधुवा तामके दुइगो डलर दान करल्‍कै, जकर मोल एको पैसासे कम छेलै।

ओकरा आपन सरा हिरदयसे, सरा समझसे आ सरा सक्‍तिसे परेम करनाइ तब आपन परोसियाके आपने जखा परेम करनाइ सब होमबली आ बलिदानसबमे सबसे महान छै।”

तब येसु उसबके कहल्‍कै, “तै खातिर जे कैसरके चियै से कैसरके दहै आ जे परमेस्‍वरके चियै से परमेस्‍वरके दहै।” यि बात सुइनके उसब आस्‍चरजमे परलै।