Popular Bible Verses from मरकुस 16

Share

तब येसु उसबके कहल्‍कै, “जो आ सरा सन्‍सारमे ज्‍याके सरा सिरिस्‍टीके सब लोकसबके सुसमाचार परचार कर!

तब बिस्‍बास करैबलासब यि काम करतै- उसब हमर नाममे भुतसब भगाइतै, आन भसासब बोल्‍तै, उसब आपन हाथसे साँपसब पकरतौ आ कोनो परकारके बिखो पिलेतै त तैयो कोनो नोक्‍सान नै हेतै। तब रोगी-बिमारीसब उपर आपन हाथ राख्‍तौ आ उसब निक हेतौ।”

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

तब चेलासब सब ठामसबमे ज्‍याके परचार करल्‍कै। परभु उसबके मदत करल्‍कै आ अचममे कामसबसे ओकरासबके बचनमे सत छै कैहके ठहरेल्‍कै।]

महज उ लोक ओकरासबके कहल्‍कै, “नै डेरा! तुसब कुरूस पर लटक्‍याल नासरतके येसुके खोजैचिही नै? उ त जिके उठल छौ आ अते नै छौ। ओकरा राखल ठाममे देख!

जब उसब ओइठाम पहुचलै तब चिहानके मुहमे राखलहा बरका पथल हट्‍याल देखल्‍कै। उसब जब चिहान भितर ढुक्‍लै तब ओते एकटा उजर बस्‍तर पिन्‍हलहा लोकके देहना कातमे बैठल देखल्‍कै आ उसब एकदमसे डेरागेलै।