Popular Bible Verses from Mark 5

Share

Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

Ona bhiṛ bhitrire mitʼṭen maejiue tahẽkana okoe do gelbar bochor khon pordhol rogteye jạbun akan tahẽkan. Uni do raranko ṭhen khon ạḍi duke ńamakatʼ tahẽkana, ar acʼakʼ oka tahẽkantae ona sanamakʼkoe khoroc caba akatʼ tahẽkana, menkhan boge baṅkate dinke din uni doe kạhil idikʼkan tahẽkana.

Ar Jisuakʼ oyonakʼe joṭetʼketʼ são sãote mãyãm oḍokokʼ do thirentaea ar hoṛmoreye bujhạukeda rog do boge utạrentaea mente.

Unre kuṛiyakʼ umer do gelbar bochor tahẽkana. Ar Jisu do ti sapʼkedeteye menkeda; “Talitha kum.” Metakʼme “E mạ̃i metam kạnạń ma beretʼme.”

Jisui roroṛkan tahẽkanrege sunạgogren mukhiyạ hoṛakʼ oṛakʼ khon thoṛa hoṛ do hecʼkate Jaerusko metadea, “Amren kuṛi doe gocʼena; Guru do ar alom haronea.” Onko hoṛkoakʼ katha ańjomkate Jisu do Jaeruse metadea, “Alom botorokʼa, eken pạtiạu dohoyme.”

Noa iạteye menkeda ente Jisu do uniye metade tahẽkana, “Bạṛicʼ jiu, nui hoṛ khon oḍok calakʼme.” Jisu do uniye kulikedea, “Celeama ńutum do?” Uniye menkeda, “Ińakʼ ńutum do phạdạńạ, ente ale do aema menakʼlea.”