Popular Bible Verses from Mark 6

Share

Unre onḍe ḍher hoṛko calakʼ hijukʼkan tahẽkante celako do jom reakʼ ạtge bako ńamleda. Onate Jisui metatʼkoa, “Dela, iń tulucʼ mitʼṭecʼ nisun jaegare hecʼkate thoṛa ghạṛicʼ jirạukʼpe.”

Unre Jisui metatʼkoa, “Nij ato, nij peṛa ar nij gharońj chaḍa sanam jaegarege nạbiko do manotko ńama.”

Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Ona tayom thoṛagan rugikoe capoketʼkote onkoe bogeketʼkoa, menkhan onḍe do jãhãn hahaṛa kạmi bae kạmileda. Ar hoṛko bako pạtiạuadete uni do ạḍiye hahaṛayena. Ona tayom Jisu do ato ato senkate hoṛko cetʼakoe ehopʼena.

Jisu do mõṛẽ goṭecʼ piṭhạ ar barea hako hataokate serma secʼ beṅgetʼ rakapʼkate Isor gun manao joharadete piṭhại kecakʼkeda ar hoṛko emako lạgitʼ celakoe calatʼkoa, ar nonkage hako hõe hạṭińatʼkoa. Ar sanamkoko jomkeda arko biyena. Ona tayom celako do sarecʼakʼ kaṭra kuṭrạ piṭhạko halaṅketʼ khan gelbar phạtiạkʼko perecʼkeda.