Popular Bible Verses from Lk 7

Share

Ajô te ma jô wo de na: ézu'u mam *abé jéé é ntoo *njaman, amu e nye a dañeya nye'e. Ve nyô ba jamé tyôtyoé *a nye'e fe tyôtyoé. Nye minga na: Mam *abé môé, me ntoo *njaman.

Ve a nga jô minga na: e mbunane wôé ô nyiiya wo, kele *mvo'é.

Ve tebe mvuse mebo mé. A mbe a yônôk a taté na a ve mebo me Yésus émumun a mili'i mé, wôna a nga fimi me a ésile jé, a wuba'ane me a sôé fe me ôlobinda.

Amu ajô te fe me nga bo teke buni na me ne nyô a yiane zu be wo. Ve jô'ôk ajô, a mbo ésaé wom a ye bo *mvo'é. Amu e ma me ne éjôé bemasa bam, me bili bezimbi éjôé jame si; a ma jô wua na: Kelek! Nye ve ke; nyô mbo'o na: Za'ak! Nye ve zu; a e mbo ésaé wome na: Bo'o e jame dili! Nye ve bo de. Eyoñe Yésus a nga wô'ô mejô mete, a nga kam évete bezimbi ntete wua, ve kôñelan e mfa'a ékôane bôt é mbe é tôñe nye a jô na: Ma jô mia de na: To'o Israél été, me nji koon avale ngule mbunan di.

Awolo te ebien, Yésus a nga yete akon e be abui bôt, miñyeyem a mimbia minsisim a nga saé abui mindindim. E nde a nga yalane be na: Kela katane Yôanes mam mia te yen a wôk: mindindim mia yen, miñyeyem mia wulu, *minzezam mia fuban, mindôndok mia wôk, miñwuan mia wômô, mbamba foé a kateban e be minzôzoé.