Popular Bible Verses from Lk 8

Share

E fes é nee mbamba si é ne e ba ba wô'ô mejô me Zambe a mbamba *nlem, teke medu'an, be ba'ale me, a wume bibuma bia so e njiban.

E mvoñ é nga ku e minsini'i été, é ne ba be ne na éyoñ be maneya wô'ô mejô me Zambe, be kelé, mam ma tyelé bôte minleme yôp, akum a mimvôman y'ényiñ bia mane dibetane be, be ntoo teke fe ve bibuma bi ne bitôtôlô.

E ba be ne ako'o yôp, be ne e ba be ne na éyoñe ba wô'ô mejô me Zambe, ba nyoñe me a mevak; ve be ne teke minkañ; ba yaé nté éziñ, v'éyoñe *meve'ele, be mane kôlô.

Nye be na: e mbunane wônan ô ne vé? Mbôlô woñ a nseman bi nga bi be, e nde ba jôan bana a ba bevo'o na: Nyina a ne za? Amu a jô'ô ja'an évuñulu a mendim, bi ve wô'ô nye.

E ba be ne zene *zen, be ne ba ba wôk, mvus éte, *satan a zu a vaa mejô me Zambe e minleme miab été, nalé ate ba ye bo teke yaé a ba ye bo teke nyiiban.

Amu teke jôm é solô ja ye bo te kulan, teke jôm é ne asoé ja ye bo te yené bizôña *môs.

Eyoñe minga a yeneya na be kulaneya nye asoé, a nga zu a fô'ôba'an a ku nye mebo, a kobô asu bôte bese amu jé a nga nnambe nye, a aval avé a nga bo *mvo'é awolo te ebien. Yésus a nga jô nye na: a ngo jam, mbunane wôé ô nyiiya wo; kele *mvo'é.

Be nga subu nye bebé a vele nye be jô'ô na: A Nye'ele, a nye'ele, bi nga jañ, bi nga jañ! Ane a nga vee, a nga yaa évuñulu a mintyôa, bie ve sis a bo ne mieññ.