Popular Bible Verses from Luka 7

Share

Nohobene nikukutongweza ngayi wubi wendi wawingi unayatiwili ndaba wahakile shikuma, ngoboni ou ukuyatiwila shashishe, ukuhaka shashishe.” Wambile kuli mbuyama ngayi, “Wubi wobe unayatiwili.”

Ngoboni Yeshu wambile kuli mbuyama ngayi, “Kukulupila kwobe kunakupulwishi, yanga mu kumwena.”

Wemanine kunyima ya Yeshu ku mawulu wendi halila, niho azabishile mawulu a Yeshu na mihozi yendi. Wakunkumwine mawulu na huki za ku mutwe wendi, pe wawazupezele na kuwawabisha mazi.

Nisho nahanganiki ngayi ami kufwanina nifwako kwiza kukwobe, ngoboni amba tuhu lizu ku mukamulimo wami, pe ukanyongomana. Ndaba ami kami nili munceto ya baya bali na ngovu hahami, kami nanami nili na banzita munceto yami. Pe nambanga ku umo ngayi, ‘Yanga!’ Pe ukuya, kami nambanga ku wamina ngayi, ‘Yeka!’ Pe ukwiza, kami nambanga ku mukamulimo ngayi, ‘Tenda eshe!’ Pe ukushitenda.” Oho Yeshu ayuvwile mazu awa, wakomokele, wafutukile, wambile ku likunge lya bantu bamukonkelenga ngayi, “Nikwamba kukwenu ngayi, mu Ishalela, shilolo niwane kukulupila kwakunene kwanehe.”

Ha shikati shiyo wanyongomanishile bakakukola babengi, bakamalweli wabo na bakamayimbwe, kami watoneshele tushishitwa babengi. Niho Yeshu akumbwile kukwabo ngayi, “Bokenu mukatongweze Yowano ebye munamono nanebye munayuvwu. Tushishitwa bakumona, bakakupenga bakwenda, bakabimakwa bakunyongomana, bizikamatu bakuyuvwa, bafu bakushanguka, kami ncango zaziwahe zikushimikiwa ku bakakushepwa.