Popular Bible Verses from Kwidika 10

Share

Yehova wamwilili Mosi, nindi, Iŋilaku mwadiyi Fwaro, muloŋa ami nachinchikishi dehi muchima windi, ninyichima yawambuŋindi, kulonda nimwekeshi yinjikijilu yami iyi mukachi kawu, kulonda eyi wakashimunaŋa mumatu amwaneyi, nimumatu amwizukulweyi, yuma yinakoŋelami muEjipitu, niyinjikijilu yami yinelili mukachi kawu, kulonda mwakeluki nenu ami yami Yehova.

Yehova wamwilili Mosi, nindi, Ololaku chikasa cheyi kwiwulu, kulonda mwituŋa daEjipitu mwili mwidima, mwidima waweni washishita. Mosi wolweli chikasa chindi kwiwulu; mwituŋa dejima daEjipitu mwelili mwidima wabwi-i chikupu mafuku asatu; antu hiyadimweni muntu namukwawuku, kwosi muntu niwumu wanyamukili mwadiŋiyi mafuku asatu; kwinza mumatala awanyana kaIsarela ejima mwadiŋi chejeji.

Mosi wolweli mukombu windi hetuŋa daEjipitu, Yehova waleteli mpepela yakumusela mwituŋa, mwaana wuna wejima niwufuku wejima yikunkaŋa tuhu hohu; chikwelili budidi mpepela yakumusela yaleteli tubola. Tubola twayili mwituŋa daEjipitu dejima, twawilili mwahita ituŋa daEjipitu dejima, twadiŋi twakala nankashi; tubola tudi chochochu kanda dehi atumonaŋahu dehi, hela kunyaka yacheŋi hiyamba katumona cheŋi tudi chochochuku.