Popular Bible Verses from Kwidika 9

Share

Chalala dichi chinakulemesheli kulonda nikumwekesheli ŋovu yami, kulonda ijina dami dakatiyakani mwejima mwahita maseki.

Yehova wamwilili Mosi, nindi, Iŋilaku mwadiyi Fwaro, wumwili neyi, Tiya chanahoshiyi Yehova, Nzambi yawaHeberu, nindi, Yileki antu ami ayi akankalakeli.

Nukwolola kwami chikasa chami dinu kulonda nikubabeshi nineyi niantu eyi ejima nanyisoŋu; akakufumisha hanu hamaseki.

wakamona chikasa chaYehova chakakwata hayimuna yeyi yidi mumpata; nihatuwalu, nihayimbulu, nihaŋameli, nihaŋombi, nihayimuna yanyanya; kwakela musoŋu watama nankashi. Hayimuna yawaIsarela nayimuna yawaEjipitu Yehova wakambula hakachi, hayimuna yejima yawanyana kaIsarela hihakafwa hoku niwumuku.

Tiya, itaŋwa dakumadiki chidakashika itaŋwa hohenohu hidinashiki, nakanokesha nvula yamalola yeneni nankashi, antu kanda dehi amonaŋahu nvula yidi chochochu munu muEjipitu, kufumisha hamwaka wakusambila nakushika kwitaŋwa daleluku. Dichi dinu temeshaku wiŋiji swayi swayi yimuna yeyi, niyuma yeyi yejima yidi mumpata, muloŋa niantu ejima, nianyama ejima akashintakeshawu mumpata, akabula kuletawu hamukala, nvula yamalola yakayinoka, akafwa.

Wukwikala lunkuŋu lwapepela nankashi mwejima mwahita ituŋa daEjipitu, wukubalumuka mahuti akubusika, niyilonda hamu, nihadi antu nihadi anyama, mwejima mwahita ituŋa daEjipitu. Azomweni wuti wamuluteŋu, ayili nakwimana kumesu aFwaro. Mosi wawufukumwini mwiwulu, wabalumukili himahuti akubusika, niyilonda hamu, nihadi antu nihadi anyama.