Popular Bible Verses from Luka 3

Share

Chelili namanishi dehi kujimika antu ejima to-o, niYesu anamujimiki dehi, yena Yesu hakulombela, iwulu hidikwenzuluka; Spiritu Wajila hakuzelumukila hadi yena namujimba wudi neyi katela; mwiwulu himukufuma izu nawu, Yeyi Mwanami nakeŋa, natiyaŋa kuwaha nankashi mudeyi.

Yowanu hakuyakula wejima wawu nindi, Chalala ami nayijimikaŋa mumenji, ilaŋa kudi nakwinza wambadika ŋovu, muya wankwabilu jindi ami kutela kuwukasununa nehi; diyi wakayijimika mudi Spiritu Wajila ninakesi.

Soŋenu nyikabu yatelela antu anabalumuki munyichima. Bayi mutachika kuhosha munyichima yenu nenu tukweti nkakulula yetu Abarahamaku. Tiyenu niyileji, nami Nzambi natweshi kutetula anyana kaAbarahama mumalolawa.

Katataka anashi dehi chizembi kunyiji yanyitondu; dichi nyitondu yejima yikubula kusoŋa nyikabu yayiwahi akayitemamu, akayinatila mukesi.

neyi chanasonekuwu mumukanda wamazu akaprofwetu Isaya nawu, Mbila yamuntu wukubidika muchinkalampata nindi, Loŋeshenu mwakendelayi MWANTA, Ololenu njila jindi jatulolu. Akashikili yinekineki yejima, Akashikumuni mapidi ejima ninyikandu yejima; Akololi haheŋa, akesekeji njila jamankulokela. Antu ejima akamoni chakayamwinawu kudi Nzambi.