Luka 3
3
Yowanu Njimiki hakuloŋesha njila
(Mat 3:1-10; Mak 1:3-5)
1Chanashakamiyi Kesari Tiberusi muwanta nyaka ikumi nayitanu (15), hadiŋiyi #23:1; Mat 27:2Pontusi Pilatu nyuuli yamuYudeya, hadiŋiyi #9:7; 13:31; 23:7; Mat 14:1Herodi mwanta wakuŊaliliya, manakwindi Fwilipu mwanta wakumpata yakuItureya naTarakonita, niLisaniyasi mwanta wakuAbileni;
2hadiŋuwu aAnasi #Mat 26:3; Yow 11:49; 18:13; Yil 4:6naKayafwasi muwupristu weneni, izu daNzambi hidikwinza kudi mwana kaZakariya, #Yow 1:6Yowanu, hadiŋiyi muchinkalampata.
3 #
Yow 1:23
Yena hakwinza mumatuŋa ejima adiŋi kwakwihi naYodana, nakushimuna kujimika kwakubalumuka mumuchima kulonda kwanakena antu nshidi;
4neyi chanasonekuwu mumukanda wamazu akaprofwetu Isaya nawu,
#
Isa 40:3-5
Mbila yamuntu wukubidika muchinkalampata nindi,
Loŋeshenu mwakendelayi MWANTA,
Ololenu njila jindi jatulolu.
5Akashikili yinekineki yejima,
Akashikumuni mapidi ejima ninyikandu yejima;
Akololi haheŋa, akesekeji njila jamankulokela.
6Antu ejima akamoni #2:30; Mas 98:2; Isa 52:10chakayamwinawu kudi Nzambi.
7Dichi yena hakuyila mazaza ayili kudi yena nakuyijimika nindi, Enu anyana #Mat 12:34katubandayula, wayilejeli kutemuka #Rom 1:18kuzuwa kwakenza hinyi?
8Soŋenu nyikabu yatelela antu anabalumuki munyichima. Bayi mutachika kuhosha munyichima yenu nenu tukweti nkakulula yetu #Yow 8:33, 39; Rom 4:16-17; 9:8Abarahamaku. Tiyenu niyileji, nami Nzambi natweshi kutetula anyana kaAbarahama mumalolawa.
9Katataka anashi dehi chizembi kunyiji yanyitondu; dichi nyitondu yejima yikubula #Mat 7:19kusoŋa nyikabu yayiwahi akayitemamu, akayinatila mukesi.
10Mazaza hiyakumwihula nawu, Indi dinu chiŋa #v12, 14; Yil 2:37; 16:30twila ŋahi?
11Hakuyakula nindi, Muntu wukweti yikowelu yiyedi amwinkuhu mukwawu #Isa 58:7; Ezek 18:7; Yak 2:15-16; 1 Yow 3:17nabuli, niwùkweti yakudya eli mwomumu nawa.
12Ansonkeshi hiyakwinza kudi yena nawu ayijimiki, hiyakumwila nawu, Eyi nkuluŋaŋa, etu tukwila ŋahi?
13Hakuyila nindi, Bayi mudyaŋa yanyilami nakubadisha mwayilejawuku.
14Mashidika niwena nawa hiyakumwihula nawu, Etu nawa tukwila ŋahi? Hakuyila nindi, Bayi mukabisha muntuku, hela #Kwi 23:1; Lev 19:11kutwambila muntu; kuminenu dakutiya kuwaha nawulooku wenu.
15Chadiŋi nakujinokawu antu, antu ejima hiyakutoŋojoka munyichima yawu nawu Yowanu kwiji diyi #Yow 1:19-22Kristu.
16 #
Mat 3:11-12; Mak 1:7-8; Yow 1:26-27 Yowanu hakuyakula wejima wawu nindi, Chalala ami nayijimikaŋa mumenji, ilaŋa kudi nakwinza wambadika ŋovu, muya wankwabilu jindi ami kutela kuwukasununa nehi; diyi wakayijimika mudi #Yow 1:33; Yil 1:5; 11:16; 19:4Spiritu Wajila ninakesi.
17Muchikasa chindi mudi lwalu lwakutookesha nachu mwitala dindi dakuhulila, akapompesheli tidiku munkalaŋa yindi, hakwila muzùŋu wakawocha #Mat 25:41; Mak 9:44, 48mukesi kakájimaŋa.
18Dichi hakuyishimwina antu nsaŋu yayiwahi, nikuyikundeja namazu amakwawu amavulu.
19Ilaŋa Mwanta #Mat 14:3-4; Mak 6:17-18Herodi, chanamukonkololuwu kudi Yowanu hansaŋu yaHerodiya iŋodamanakwindi, niyuma yikwawu yatama yelilaŋayi Herodi yejima,
20hakulunjikaku nichuma chikwawu chakumusha Yowanu mukaleya.
Chijimikilu niChikota chaMwanta Yesu
(Mat 3:13-17; Mak 1:9-11)
21Chelili namanishi dehi kujimika antu ejima to-o, niYesu anamujimiki dehi, yena Yesu #5:16; 6:12; 9:18, 28; 11:1; 22:41; Mat 14:23; Mak 1:35; 6:46hakulombela, iwulu hidikwenzuluka;
22 #
Isa 42:1; Yow 1:32-33; Yil 10:38 Spiritu Wajila hakuzelumukila hadi yena namujimba wudi neyi katela; mwiwulu himukufuma izu nawu, Yeyi #9:35; Mas 2:7; 2 Pet 1:17Mwanami nakeŋa, natiyaŋa kuwaha nankashi mudeyi.
23Henohu Yesu nashiki dehi kafwampi #Yow 8:57munyaka makumi asatu (30), hiyakumutoŋojoka nawu mwana #1:27; Mat 1:18kaYosefu; ankakulula jindi adiŋi iwu Heli,
24iwu Matata, iwu Levi, iwu Meliki, iwu Yanayi, iwu Yosefu,
25iwu Matatiyasi, iwu Amosa, iwu Nahumi, iwu Eseli, iwu Naŋayi,
26iwu Mayata, iwu Matatiyasi, iwu Semeni, iwu Yoseki, iwu Yoda,
27iwu Yowanani, iwu Resa, iwu Zerubabeli, iwu Sheyaleteli, iwu Neri,
28iwu Meliki, iwu Adi, iwu Kosama, iwu Elimadama, iwu Eri,
29iwu Yoshuwa, iwu Eliyezeri, iwu Yorimi, iwu Matata, iwu Levi,
30iwu Simeyona, iwu Yudasi, iwu Yosefu, iwu Yonama, iwu Eliyakimi,
31iwu Meleya, iwu Mena, iwu Matata, iwu Natani, iwu #Luti 4:22Davidi,
32iwu #Mat 1:6Jesi, iwu Obedi, iwu Bowazi, iwu Salemoni, iwu Nashoni,
33iwu Aminadabi, iwu Arama, iwu Hezeroni, iwu Perezi, iwu Yuda,
34iwu Yakoba, iwu Isaka, iwu Abarahama, iwu #Kutach 11:26; 1 Kush 1:24-27Tera, iwu Nahori,
35iwu Seruga, iwu Rewu, iwu Peleka, iwu Eberi, iwu Shela,
36iwu Kenani, iwu Arafwasadi, iwu Shemi, iwu #Kutach 5:32; 1 Kush 1:4Nowa, iwu Lameki,
37iwu Metusela, iwu Enoki, iwu Yareda, iwu Mahaleli, iwu Kenani,
38iwu Enosi, iwu Seti, iwu Adama, mwana kaNzambi.
Currently Selected:
Luka 3: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
