Popular Bible Verses from Luka 6

Share

Inkenuŋa, kulonda ninenu nawa akayinki; chesekelu chakushikija chakunyikumuna, chenda chisumpoka, akayinki muwutambwilu wenu. Muloŋa chesekelu chimukuyesekela akwenu, dichi chakayesekelawu ninenu nawa.

Muntu wamuwahi wukwidisha nawa yuma yayiwahi yaswekayi mumuchima windi; muntu watama wukwidisha nawa yoyuma yatama, muloŋa kanwa kindi kahoshaŋa yoyuma yalumbama mumuchima.

Ilaŋa keŋenu ayilumbu jenu, ilenuŋa chachiwahi, sondamishenuŋa chakadi kwakama; wulooku wenu wakatoha, mwakekala nianyana kaMukwakubadika; muloŋa yena watiyilaŋa luwi niantu abulaŋa kusakilila, niatama.

Ikalenu akwaluwi neyi chekalayi Tata yenu mukwaluwi.

Bayi musompeshaŋa akwenuku, kulonda ninenu akabuli kuyisompesha. Bayi mutanyishaŋa akwenuku, kulonda ninenu nawa akabuli kuyitanyisha. Anakenenuŋa akwenu, kulonda akayanakeni ninenu nawa.

Ilaŋa enu mudi nakutiya, nukuyileja nami keŋenu ayilumbu jenu, koŋenu chachiwahi antu akuyihela. Antu akuyishiŋa yikiswilenu nkisu; ákuyikoŋa chatama yilombelelenu.

Mwomumukukeŋa antu kuyililenu ninenu nawa yililenu wena chochimu.

Muntu wukukweta kwikidi dimu, mwinki nidikwawu nawa; muntu wukukutambula chikowelu cheyi, atambuli nikahuma keyi nawa. Yinkenuŋa antu ejima akuyilomba; muntu wukunona yuma yeyi, bayi wakamwihulayi nawa cheŋuku.

Hikwekala mutondu wawuwahi wasoŋaŋa nyikabu yatamaku; hela mutondu watama hiwasoŋaŋa nawa nyikabu yayiwahuku.

Muloŋa nyitondu yejima ayilukilaŋa kwokunyikabu yayu, iwu nanyikabu yawu, iwu nanyikabu yawu. Antu hiyakumunaŋa mawundu achikuyu kunyiŋaku; hiyakumunaŋa nyikabu yavinyu kuchikwataku.