Luka 6

Mwanta waSabata

(Mat 12:1-14; Mak 2:23—3:6)

1HaSabata yimu wadiŋi nakuhita mumaha atidiku; atumbanji twindi hiyakukotola nyitu yatidiku, #Kuhit 23:25hiyakuchikita mumakasawu, hiyakudya.

2AFwarisewu amakwawu hiyakwila nawu, Mudi nakwililadi chuma chajila kwila haSabata?

3Yesu hakuyakula nindi, Himunataŋi cheliliyi #1 Sam 21:1-6Davidi, hatiyiliyi nzala hamu nanowu adiŋiyi nawuku, tahindi?

4Heŋililiyi mwitala daNzambi, hakutambula mankendi akutenteka kumesu aNzambi, hakudya, hakwinkaku ninawa adiŋiyi nawu, adiŋi ajila, akudya chiŋa atupristu hohu.

5Hakuyila nindi, #Mat 8:20Mwana kaMuntu diyi Mwanta waSabata.

6HaSabata yacheŋi nawa, hakwiŋila mushikola nakutaŋisha; mwadiŋi muntu wakalepa wachikasa chachidiilu.

7Ansoneki nawaFwarisewu hiyakumutala, amoni neyi wukuuka haSabata, kulonda amoni hakumwinkela muloŋa.

8Yena welukili #Mat 9:4yitoŋojoka yawu; hakumwila owu muntu wachikasa chakalepa nindi, Nyamukaku, wimani mukachi. Yena hakunyamuka, hakwimana mukachi.

9Yesu hakuyila nindi, Nayihuli nami, haSabata chaloŋa kwila chachiwahi, tahindi kwila chatama? kuhandisha muntu, tahindi kumujaha?

10Hakuyitala wejima wawu kwi-ndo, hakumwila owu muntu nindi, Ololaku chikasa cheyi. Olola nikwolola, chikasa chindi chikola nikukola.

11Wena asweja nikuzuwa, #Yow 5:18hiyakutiyaŋana muntu namukwawu mwakamukoŋawu Yesu.

Apostolu ikumi nayedi

(Mat 10:2-4; Mak 3:16-19; Yil 1:13)

12Wena mafuku owu hakuya hampidi #3:21nakulombela, hakuchiisha nakulombela kudi Nzambi wufuku wejima.

13Chikunachi hakutambika atumbanji twindi, hakutondahu ikumi nayedi (12), hakuyitumba nindi apostolu.

14Shimona hakumutumba ijina dikwawu nindi Petulu, namanakwindi Anderi, Yakoba naYowanu, Fwilipu naBatolomewu,

15Matewu naTomasi, Yakoba mwana kaAlafwewu naShimona atenaŋawu nawu kaZeloti,

16niYuda waYakoba, niYudasi Isakaroti diyi wamufukejeli.

Nkisu niyihuŋu

(Mat 5:3-12)

17Hakukunkumuka nawu, hakwimana hesekana nezaza dawatumbanji twindi dadeni; #Mat 4:25niantu amavulu nankashi afumafumini mwahita Yudeya yejima, nikuYerusalema, nikuchikumu chakaluŋalwiji chakuTira naSidoni, enjili nakumutiya kulonda akayuuki ninyisoŋu yawu.

18Hakuuka ákabishilaŋawu kudi aspiritu azonda.

19Izaza dejima hidikukeŋaŋa yowu #Mat 9:21; 14:36; Mak 3:10kumukunka hohu; muloŋa mudi yena mwedikilaŋa #5:17ŋovu yakuuka wejima wawu.

20Yena hakufumbula mesu indi hadi atumbanji twindi, hakuyila nindi:

Munakooleki enu atuzweŋi, muloŋa wanta waNzambi wunekali wenu.

21Munakooleki enu mudi nakutiya #Isa 55:1-2nzala katataka, muloŋa mwakekuta.

Munakooleki enu mudi nakudila katataka, muloŋa mwakaseha.

22Munakooleki chakuyihelawu kudi antu, #Yow 9:22; 16:2nichakuyikinjikawu, #Isa 51:7; 1 Pet 4:14nichakuyisawulawu, nichakuyitenawu nawu mwatama kukoola Mwana kaMuntu.

23 # Yil 5:41; 16:25 Kazaŋalalenu dena ifuku odu, nikukiloka chikupu. Tiyenu, amba kayinka wulooku weneni mwiwulu, muloŋa dichi chayililuwu atuprofwetu kudi ankakulula.

24Oyi #10:13-15; 11:42-52; 17:1; 21:23; 22:22yihuŋu yimwamba kamona enu #Yak 5:1-5mwaheta! muloŋa anayikundeji dehi.

25Oyi nzala yimwamba katiya enu munekuti katataka!

Oyi yihuŋu yimwamba kamonenu mudi nakuseha katataka! mwamba kadila nikutumpa.

26Oyi yihuŋu yimwamba kamonenu adi nakuhamekawu kudi antu ejima! muloŋa dichi chahamekeluwu #Mat 7:15atuprofwetu akutwamba kudi ankakulula.

Kukeŋa ayilumbu

(Mat 5:39-44)

27Ilaŋa enu mudi nakutiya, nukuyileja nami #v35; Rom 12:17, 20; 1 Kor 6:7keŋenu ayilumbu jenu, koŋenu chachiwahi antu akuyihela.

28Antu akuyishiŋa yikiswilenu nkisu; ákuyikoŋa chatama yilombelelenu.

29Muntu wukukweta kwikidi dimu, mwinki nidikwawu nawa; muntu wukukutambula chikowelu cheyi, atambuli nikahuma keyi nawa.

30 # Kuhit 15:7-8, 10 Yinkenuŋa antu ejima akuyilomba; muntu wukunona yuma yeyi, bayi wakamwihulayi nawa cheŋuku.

31Mwomumukukeŋa antu #Mat 7:12kuyililenu ninenu nawa yililenu wena chochimu.

32Neyi #Mat 5:46mukukeŋa áyikeŋenu hohu, akuyihamekela hadihi? Hela akwanshidi akeŋaŋa ayikeŋa nawa.

33Neyi mukwilaŋa chachiwahi awa akuyilenu chachiwahi hohu, akuyihamekela hadihi? Dichi chelaŋawu niakwanshidi.

34Neyi mukusondamishaŋa antu nakuchiŋeja nenu akayifuntishila cheŋi, akuyihamekela hadihi? Hela akwanshidi asondamishaŋa akwawu akwanshidi, atambuli cheŋi yayinkeluwu.

35Ilaŋa #v27keŋenu ayilumbu jenu, ilenuŋa chachiwahi, sondamishenuŋa chakadi kwakama; wulooku wenu wakatoha, mwakekala #Mat 5:45; Rom 8:12nianyana kaMukwakubadika; muloŋa yena watiyilaŋa luwi niantu abulaŋa kusakilila, niatama.

36Ikalenu akwaluwi neyi chekalayi Tata yenu mukwaluwi.

Kusompesha akwenu

(Mat 7:1-5)

37 # Rom 2:1 Bayi musompeshaŋa akwenuku, kulonda ninenu akabuli kuyisompesha. Bayi mutanyishaŋa akwenuku, kulonda ninenu nawa akabuli kuyitanyisha. #Mat 6:14; Efw 4:32Anakenenuŋa akwenu, kulonda akayanakeni ninenu nawa.

38Inkenuŋa, kulonda ninenu nawa akayinki; chesekelu chakushikija chakunyikumuna, chenda chisumpoka, akayinki muwutambwilu wenu. Muloŋa #Mat 7:2; Mak 4:24chesekelu chimukuyesekela akwenu, dichi chakayesekelawu ninenu nawa.

39Hakuyitila nawa chishimu nindi, Mputamesu wukutwesha kulombola mukwawu mputamesu, tahindi? Mwayedi wawu hiyakukulukila #Mat 15:14mwibukuku?

40 # Mat 10:24; Yow 13:16 Kambanji habadikaŋa nkuluŋaŋa yinduku; ilaŋa muntu himuntu neyi nadizi dehi, wukwesekana nankuluŋaŋa yindi.

41Wukutaliladi kachibalu kanalakumukili mudisu damanakweyi, hakwila ipulaŋa didi mudisu deyeyi aweni hiwunadilukuku?

42Indi eyi wukutwesha kumwila manakweyi ŋahi neyi, Eyi manakwami, tali nikutumbuli kachibalu kanalakumukili mudisu deyi; hakwila ipulaŋa didi mudisu deyeyi aweni hiwunadilukuku? Eyi mfwikiji, sambilaku kufumisha ipulaŋa didi mudisu deyeyi aweni, mwaka winzi wumoni kutumbula chachiwahi kachibalu kanalakumukili mudisu damanakweyi.

Mutondu ninyikabu yawu

(Mat 7:16-20)

43Hikwekala mutondu wawuwahi wasoŋaŋa nyikabu yatamaku; hela #Mat 12:33-35; Yak 3:11-12mutondu watama hiwasoŋaŋa nawa nyikabu yayiwahuku.

44Muloŋa nyitondu yejima ayilukilaŋa kwokunyikabu yayu, iwu nanyikabu yawu, iwu nanyikabu yawu. Antu hiyakumunaŋa mawundu achikuyu kunyiŋaku; hiyakumunaŋa nyikabu yavinyu kuchikwataku.

45Muntu wamuwahi wukwidisha nawa yuma yayiwahi yaswekayi mumuchima windi; muntu watama wukwidisha nawa yoyuma yatama, muloŋa kanwa kindi kahoshaŋa yoyuma yalumbama mumuchima.

Ntuŋi wamaana niwabula maana

(Mat 7:24-27)

46Mwantenenaŋadi nenu, #Mat 7:21; Yow 13:13Mwanta, Mwanta; hakwila yuma yinahoshaŋa #Mal 1:6himwayilaŋaku?

47Ejima akwinza nakutiya mazu inahoshaŋa, #8:21; 11:28; Yak 1:22-25hiyakwilamu, tiyenu niyileji anafwanuwu.

48Anafwani neyi muntu watuŋili itala, wapundili chakunama, hakusha chikuku helola. Chenjili dibaji, cheji hichikweta hetalodu, hichatwesheli kudinyinkeshaku, muloŋa adituŋilili helola.

49Hakwila wátiyaŋa chakadi kwilamu, nafwani neyi muntu watuŋili itala hamaseki chakadi kwala chikuku. Cheji chichineti italodu, hohenohu dihumuka nikuhumuka buvu; kuhumuka kwetalodu kwaswejeli kutoha.

Currently Selected:

Luka 6: MWW04

Highlight

Copy