Popular Bible Verses from Yohanes 13

Share

Mele se yeye nam mi be: Milɔ̃ mia nɔewo. Ale si melɔ̃ mii la, miawo hã milɔ̃ mia nɔewo nenema ke. Ne mielɔ̃ mia nɔewo la, amewo katã ato esia me adze sii be nye nusrɔ̃lawo mienye.”

Ke ne nye, miaƒe Nufiala kple Aƒetɔ, meklɔ miaƒe afɔ la, ekema edze be miawo hã miaklɔ afɔ na mia nɔewo. Kpɔɖeŋu wònye mena mi, be miawo hã miawɔ abe ale si mewɔe na mi la ene.

Yesu ɖo eŋu nɛ be: “Nu si wɔm mele la, màse egɔme haɖe o, ke emegbe la, àse egɔme.”

Mele egblɔm na mi le nyateƒe me be ŋusẽ mele subɔla si wu eƒe aƒetɔ o, eye nenema ke ŋusẽ mele dɔla hã si wu ame si dɔe ɖo ɖa la o.

Ke esi mienya nu siawo la, Mawu yra mi ne miewɔ wo dzi.

Azɔ etsi tsitre le nua ɖuƒe, ɖe eƒe awu da ɖi eye wòtsɔ tsiletse sa ɖe ali. Etrɔ tsi ɖe agba me, eye wòde asi eƒe nusrɔ̃lawo ƒe afɔkɔklɔ me. Etsɔ tsiletse si wòsa ɖe ali la tutu afɔ na wo.