Popular Bible Verses from Enk 27

Share

Mikinchoo Enkai enkolielio e keper, tenebo empiron e nkop, tenebo enkisampuare sapuk o enaisho oo sabibu. Inchoo kisiaai iyie iloreren, nikigilaki kung iyie iloshon. Taa olkitok too lalashera linono, naa inchoo ilayiok le ng'utunyi kirrugokino iyie. Metedeki pooki ng'ae likidek, nemayiani pooki ng'ae likimayian iyie!”

Nejo Esau, “Aime keji doi te sipata etejoki enkarna enye Yakobo? Naaeseka ninye nanu kuna katitin are. Ewa apa ninye esipata ai e kikausho, naa ng'ura ake ajo enyaaka tena kata aya emayianata ai.” Ina peyie ejoki “Keitu hoo ninye kilekaki nanu emayianata?”

Newaliki Isaak papaai lenye ajoki, “ng'ura, iyaku ololamita empiron enkop te manyisho ino, niaku sii ololamita enkoliolio e keper e shumata. Keaku olalem lino ninye inchuyie, niaku oloisiaai olalashe lino, naa tinigelunye te nkitoria enye, nigil enchata oo lmong'i natii emurt ino.”

Nejoki Esau papaai lenye, “Ke mayianata nabo duoo ake iata papaai lai? Oi tamayianaki sii nanu, nchooki sii nanu emayianata ino, papaai lai!” Neilepie Esau oltoilo lenye neishir.