Popular Bible Verses from Enk 28

Share

Ing'ura atii nanu te nebo iyie naa kaarrip iyie te pooki wueji naba anaa enilo, naaitoki arrinyu ena kop, amu maaing'uaa nanu iyie o metaba anaa naas ina naatolikio.”

Naa ng'ura eitashe Olaitoriani te nchumata ninye, nejo ninye, “Ara nanu Olaitoriani, Enkai e Abraham papaai lino, nara sii Enkai e Isaak, naa ore ena kop naa ninye irragie, ekaaisho nanu iyie tenebo o eishoi ino.

Neinyototo Yakobo too njo enyena nejo, “Esipa etii Olaitoriani ene wueji, neitu duoo ayiolou.”

Neinos Yakobo olmumai ejo, “Tenaa keaku Enkai tenebo nanu, naarrip nanu tena lototo, naaisho sii endaa nanya o nkilani naishop metaa anyaaka arrinyunye enkaji e papa lai te seriani, naa keaku Olaitoriani Enkai ai. Ore ele soit laitasheyie aitaa eng'ape, naa keaku enkaji Enkai, ore pooki nikincho nanu naa kaaisho iyie ematua e tomon.”

Naa kebayu eishoi ino anaa enterit enkop naa aiponari aibulaa aidapashakino enkop te nkalo o loontoluo, o tenkalo o loosaen, o te nkalo e moikuape o te nkalo e kopikop; naa te iyie tenebo eishoi ino emayian iloshon le nkop pooki ate.

Neipot enkarna eine wueji ajo Betel, kake keji apa enkarna e ina anasa Lus te dukuya.