Popular Bible Verses from Lucas 17

Share

Ca' 'naapega so ỹale, 'naaco': —Ñirishiguim ma'le. Ime, ca' qui'. Mashic qami' remi'rec, ma' qami' vi'relec.

'Eno'm chaqai ỹovi' siete ỹo'uet ca se ỹa'maxañi queca na'xa'a, chaqai siete rapilau'a qami' quiyim 'naapega qami', 'naac: “Nagui tot sopilalec 'ue ca so'uet se ỹa'maxañi caqami'”, ca' qami' paguec la'maxa quiyim sqo quirapeguem chaqai 'xoriñisac ca'maxare.

Ca so 'óna queso qomyipi co'na' iuana quiyim mashic imeuec na loshicmaxa, ca' pil, ỹaantacot da na'aachicyaxac ñi qota'olec, ỹaatqajam ỹaualqatari'. Ca ỹa'yi'iñi naua le'cootal queca reloqota'ñi so Jesús, ỹaatqajam ỹoviraqta'guit na latap na 'laua, ca' ỹaantacot da na'aachic so'maxare. Qam sojo ỹale, so'maxare le'ec yi Samaria.

Ca' rovichiỹari'o'. No'm ca rqaỹa'e' ỹo'uet ca se ỹa'maxañi caqami', ca' taxahita ca'maxare. Ca no'm netogochigui na lauel, ỹadalaxat ca no'ueenataxac, ca' mesqo quirapeguem, 'xoriñi'.

Ca' so Jesús 'naaco': —¿Mesqai diezo' ca imeuec nqohin na loshicmaxa? ¿Hueesa'gue caua liỹa' nueve?

Ca' so qara'gaxala' 'naapegalo' saua'maxare, 'naaco': —Qamiri quiyim 'ue ca rpi'ỹaxaguii quiyim lecaato'lli' ana la ana leenaxat mostaza, ca' 'ñiỹapega ada qo'paq late'ogue', 'ñiỹac: “Oquire'e na ñi'sa'ñi, ime, ca' nqo'ñiri'ingui aso huaaxai”, ca' ada qo'paq na'xaỹaxane'talo qamiri.

Ma' ca ỹahotaque nca'laxatec da nachaalataxac, ca' na'laxatañi; qam ca na'laxatañi da nachaalataxac, ca' chaqaica cá'maq nca'laxatec.

So Jesús 'naaco' queso lapaxaguinatqaipi: —Aỹim ỹaatqajam sa'deenta quiyim sqoue ca 'em quena qom 'ue ca lasauaxaset; qam ¡'xoic le'xoric ca qom quiyim 'ue nqai'en ca lasauaxaset ca liỹa! Ca no'm 'ue ca sham chicqochigui ca lasauaxaset ca 'óna quenajo collo'olqaipioqui', ca'maxare paguec la'maxa quiyim qaicoñira'gue na lqosot ca qa' lodegaxat nopoxoiqataxanaxat, ime, ca' qainaxañigui aca huaaxai.

Ca 'nejem ma'le da 'neete' saua ñaxari hueetauguilo nallaaqo' so Noé, ca' chaqaida 'neeta ma'le caua na'xata' ma' rapil najo ỹale llaalec. So qomyipi que'eetac, chaqai ne'teetac, shiltecta' chaqai ỹaantapeguec ana llaallipi quiyim 'on, chi ỹovireta'a so na'xa'a co'na' so Noé inoxonougui aso lo'ueenata qom lahi' huaxaỹaqse. Ca' naco' so ỹaxat, ca' nomachichiguiñi sá'ogue so qomyipi.