Popular Bible Verses from Lucas 18

Share

So Jesús ỹa'uo' ca raloqojnaxana co'na' ỹahotaque quiyim rapaxaguinataxanegue quiyim se neme ca qouagaxainaxac ỹaatqajam se qoỹaxanñi.

Ca' ñi qota'olec ¿se iuejelco' qai'neeta ca lca'acseripi quiyim ne'xoresentacot ñi'maxare naua'que naua na'xata' chaqai naua piri? Ca' ¿peeta'a 'uo' ca nauaantaque nqai'en? 'E'. Ca ỹim shiñiỹapegaxaua' quiyim chaqa'ma' iuejlec. Qam ma' najo ỹale llaalec rapil, ¿peeta'a ñaqa 'uo' ca npi'ỹaxac ma'le quená'maq hueetalec na 'laua?

Ca' so Jesús 'naaco': —Cá'maq na qomyipi se ishit ỹo'uet, qam ñi qota'olec ishit ỹo'uet.

Qam sojo ỹale ỹaatqajam 'vio' saua na'xata' quiyim se na'xaỹaxana aso'maxare. Qam co'na' shi'gom, ca so'maxare ra'deenataxantaco', ca 'naaco': “Aỹim 'eno' sqaica ca sauaaque ñi qota'a chaqai ná'ogue na qomyipi. Qam asojo pa'ỹe mashic ỹapaguec se yayaxanac, ca 'maxaraic quiyim so'ootaxanlec aso'maxare, qaiyi ỹaxanñi quiyim rapiltau'a ỹim. 'Ase' no'm ỹoviraqchigui aỹim, ca so'ỹa.”

Ma' ỹim shinapegalo qamiri quiyim ca ỹacoñiguit da lo'ueenataxanaxac ñi qota'a ma' ỹoiquentac ná'ogue najo quiyim sqai 'nejem ca noctoqui', ca ca'maxare se inoxono.

Qam so Jesús roỹaxane'ogalo saua nale', ca' 'naapegalo: —'Xañiỹac na ñaaqaipioqui' ñaqa nacpegue' aỹim, chaqai se quepaqchita'piguit; ma' ca hueetaugui da lo'ueenataxanaxac ñi qota'a quiyim ỹoiquentac ná'ogue najo, ca'maxare neneequesenaxai 'nejme' naua'maxare.

Ca' so Jesús 'naaco': —¡Nagui coñichiguit quiyim liỹa neuañiriñi! Qami' nagui remi'rec, ma' qami' vi'relec.

Ca' so Jesús 'naaco': —¿Chi'negue ma' 'ñirapiguiỹa' ỹim huagaxaraic? Ma' qaica ca liỹa ñí'maq huagaxaraic, qaiñiita ñi qota'olec.