Popular Bible Verses from Gênesis 50

Share

Hix-honra haluka hektuwaka kamhalexyamkano mitshi seyni Hoyakalu halukatkalu kihleru rakanhakajyawakapa, hixo yine riwekkajyawaka wexyawakapa haté xawakni hohne.

Waneya José wla tshinatkana: — Hi hpikanu. Hkahwakluhe Hoyakalno hita?

Hiyáhoni hi hpikanu. Nohlutanhi hixa hiyrun-koxa hixa whenene nohlutanu. Waneya rapnanuhchinikankakatkana. Kihlewaka htshinatkana.

Wla htshinakjixatkawu wtshinyawakapyi mitshi: “Nanjityi pamtakahchinikanyehixyawakapna pimolene hektunu, hkamhiyatkayina mitshi.” Hiyáhoni wanjityi puru Hoyakalute towrerune hektunu puknokyehixinwu. Waneya wanna tokanu hjeminixka José htshiyahatatka.

Waneya hma mupnaknu pchinika José, José hinkakna himolene, wla htshinna: — Nupnakastsitkani. Seyni Hoyakalu halikaka hiphujewnayehitanhi hiyrun-koxa xye tshijne hkochpajiniphi, ranikanhi tshiji runkaklexyalu Abraão-ni, Isaque-ni, Jacó-ni nwaka.

Waneya José towutna Israel whenene runkaklexyawakluna, wla htshinatkana: — Halikaka Hoyakalu hakanhayehitanhi waneya waneklu papko nohapu hewi tshijne hanijini.

Waneya rupnanatka José-ni. Cento e dez mhaletkalu. Hpinitluna hmujpahyawakanunapa waneya kapajiru rutakmanetanruna Egito tshijneya.