Popular Bible Verses from Lucas 17

Share

Waneya Jesus wla tshinru: — Ppalnanu. Pyanutka. Putskalhatka palixle tshinanu.

Sete kata rektuwyehixinipyi pa hohne tshinanu seyni sete katako rapokanwakaxinipyi wla htshininipyi: “Nehchinikanutatka”, waneya pamtakahchinikanutanru rektunu.

Waneya satu wanna, Samaria-nerni, rexinixkawa rutskalhiywakatka, hsatoka, tsru tokantshiyma rimalwumtlu Hoyakalu. Waneya Jesus jixistsi hyoptsojitamta waneya hpoyahnutlu.

Hixanuko hislahinwa! Pimwastsireru hektuwaxini punkakanru jikolukanuru rixyawaka. Rehchinikanuxinipa hamtakahchinikanuxinri rektunu.

Waneya Jesus wla tshinru: — Hatshni dez-na hitskalakalune? Seyni ha pimrine nove, hanhe hyatkana?

Waneya Jesus wla tshina: — Mostarda-tataji pso rixiniklunu halixle waneya himukata xye figueira muna wla tshinreta, mutakkotu muna, “Pkopkolijinwa. Mar powha putajinwa.” Waneyamka wane potuko rixanu.

Katukta haluk-hiwekkaklexinwa, ramtaklewatanun-honuka. Katukta hamtakanru riwekle riwekanu halikaka.

Waneya Jesus wla tshinna hnurrene: — Hi rumukata himaletkota hitspetkalurukaka hma wiywakanupa. Seyni hektumkalu wale yineru kojwakahchinikanrewatatshri! Kihlepotmaklu tsru sotlu rostunojixikowaka waneya mar powha ruknojikowaka hma pupjekajyawakanupna mtserkakanewa.

Noé klu papko pixka rixanu Jeji Whene tshinkaluru hapojinri papkopa. Klu tshinanu ptowrunniko yinni hniknina, rurnina, hhanunrowatnina, hhanuruwatnina, Noé-ni tsro kanawatlo jihlojinriklu potukananuko. Waneya runatka hahyekachalu, ptowrunnika yinni hnikata.