Popular Bible Verses from Lucas 5

Share

Waneya rali hinkaklewlexinixka, Simão htowuta, wla htshina: — Kanawa xako tenohawaka panikanu. Waneya hiknok-tarrafa-tetanu chima hkachixyawakapa.

Seyni Simão wan-tshinru: — Kasruklewakleru, psol-yetshnokmaka wmariskata seyni hike wkachita. Seyni pixa tokanu tshinanu, tarraf-kaka nuknokanu. Waneya rali wan-hixletatkana, hix-potu chima hkachitna. Haté ruskatana h-tarrafa-tkaknina.

Seyni Jesus kahnete sputa hya potshkewaka. Waneya wane ranjihohnexya.

Klu tshinanu hi nuna ntshanixyawakapna kihlerune seyni hektune ntshanixyawaka rehchinikanuxyawakapna.

Waneya xye rexinixka Simão Pedro, hyoptsojityehitlu Jesus. Waneya wane htshinru: — Tsru Hixikatshriwa hit-yehi pasujini klu tshinanu hitni jejno hektuntshi hwalerno.

Waneya Jesus wan-tshinna: — Pomtalune hi haluklu kpinrewakleru seyni katshinomtalu haluklu.

Waneya tshiji hyosropkaklona hkanawatkakna. Ptowruko ruknokamtatkana waneya Jesus romkahitatkana.

Waneya pa katatnaka Jesus pa poktshi hwakanatatka waneylu satu jeji hijirohitutatshri hallikanatatshri. Waneya Jesus rexiniklunu hyoptsojityehitlu Jesus tshiji rutspakhojita waneya Jesus ranjita: — Tsru Hixikatshriwa, palujinipa pumukata hitskalakletno. Waneya Jesus homyokanwakatlu, hkamruklu. Waneya Jesus wan-tshinru: — Hehe, naluka. Putskalakkatka. Waneya waneklukawa potuko rujirhitle ramhiyatka, rutskalhatka.

Seyni pnute hya kopalpiranretlu. Hiyáhoni hixolune yine hinanwakatlu Jesus tokanu hjemyawakna hiyrun-koxa hyeyixlena rutskalajyawakapa.