Popular Bible Verses from Eksodo 15

Share

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

“Koma athu ayo mwawoopollilleenyu, mwahaahoollella ni echikondaanyu yoohimalla, mwahaahoollella ni masivaanyu, oya onipuroni nanyu naweella.

Nave yaaphiya o Mara koma wenko maaddiiwa yaari oowaawa, mwawi kheyaaworille waawirya. Sika ekaambiiwa nipuronno yanivahilliiwa nnddina nawi Mara. Nave athwaalle yaakhupanyella wa Mose, emukoha wi, “Ethiyo hiyaano ninaawirye tini?” Sika Mose aavekella moollipiha wa Apwiya nave Apwiya yaamooniha mwanakopo. Mose aavokha mwanakopooyo m'maaddini nave maaddaayo yaahiya owaawanko. Wenko Apwiya yahaavaha athwaayo malamulo ni ehuddiho nave aaweesattho.