Popular Bible Verses from Luk 6

Share

Mbən sə naʼa u aghəy abú ba boʼo Nwiye mi mə naʼa inen. Nwiye yi naʼ inen chigə ma umugə mbən mə naʼa. Nwiye yi naʼa u aghəy inigə usugi buʼe. Inji zənə ngwə mə məgə u aghəy ki naʼ abú ba mbi, amə nigə Nwiye mi məg u aghəy inaʼ inigə.”

Wa chuŋ yə chiyə unó chuŋ ungɨŋ fiŋ ma zənə isugi nə unó chuŋ, wa iboŋ yə chiyə unó iboŋ ungɨŋ fiŋ ma zənə isugi nə unó iboŋ damugə unó mbənə uchəw mə ghayn amə unó mbənə usugi ungɨŋ fiŋ ma.”

Anigə mbən ni wuʼ umbən ba abana sə ighəy ichuŋ abú úŋwən. Mbən ni choʼo ukab inaʼ abú ba mbənə mbən kono kwi cha umi gha inaʼ uma inen, mbən bə aghəy nigə, mbən yi mə nə u choʼo afaʼa kyayn. Anigə mbən yi mə buŋ Nwiye ŋunə ukwey chigə isəg damugə u yi aghəy ichuŋ abú ba mbənə cha umə naʼa uma yə mbeni ayə abú uŋwən foro abú ba mbənə umə íkyúgə.

Mbən mə nə adiri abú ba numugə ungwen Mbaʼ mə nə adiri abú ba.

“Mbən mə́ saʼa ngwen ba umbi boʼo cha Nwiye mi saʼa ma ngwen, mbən mə chiŋe ngwen ikum ba umbi boʼo ka Nwiye chiŋe ma itən. Mbən nyaba unó iboŋ ba umbi boʼo Nwiye mi nyaba umbən unó iboŋ.

A yə ghayn inen umbən mbənə mbən mə zəw anó zənə amə ghayn kwi, mbən wuʼ umbən ba abana mbən aghəy ichuŋ abú ba mbənə umə bana ngwen, mbən zi aborobod igun ba mbənə umə zi idon itən igun ichaʼara Nwiye igun u mbənə umə́ jimə ngwən.

Mbən ni aghəy abú ba umbi unó mbənə mbən mə kaba kwi uni aghəy inen.

Wa moʼ bə feyn injə aba indəʼ gha aba zi itey abú uŋwən ufeyn, wa moʼ bə num ungwə kud nibi sayn u num injə ndwi fən. Wa moʼ bə ibiy aghəy moʼ inigə naʼa abú uŋwən, wa moʼ bə fiyn injə aghəy sayn ibiri ayə.

“Cha azad chuŋ mə kuwə ma itɨŋ iboŋ, cha azad iboŋ mə kuwə ma itɨŋ chuŋ.

Umbə kyay azad feyn feyn akə itɨŋ ma cha azad amba mə kuwə ma akyugwa, cha amba mə kuwə ma piya.