Popular Bible Verses from San Juan 1

Share

Ja'uc ti buch'u ich'vanic ta muq'ue, ti c'ot ta yo'ntonic ta xch'unele, ac'bat stsatsalic ti c'otic ta xnich'nab Dios yu'une.

C'alal lic meltsajuc talel scotol ti c'usitic oye, oy xa ono'ox ti Jesucristoe, ja' ti Buch'u ta xac' ta na'el stalel ti Diose. Ti stuque xchi'uc ono'ox sbaic xchi'uc ti Diose, yu'un ja' ono'ox Dios ti stuque.

Yu'un xnobobet no'ox ta ic'al osil xojobal ti saquilal osile. Ti ic'al osile mu'yuc c'usi xut xtub yu'un ti saquilal osile.

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

Ta sventa ti Jesucristoe, meltsaj scotol ti c'usitic oye. Mu'yuc buch'u yan laj smeltsan. Ja' ta sventa ayan talel ti cuxlejale. Ti cuxlejal taje, ja' c'ot ta saquilal osil yu'un ti jnaclejetic ta banomile.

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

Ti j'ac'-cuxlejale li' xa oy ta stojol ti jnaclejetique. Manchuc mi ja' ta sventa meltsaj ti banomile, ti jnaclejetic ta banomil une mu'yuc laj yojtiquinic. Tal ta stojol ti yalab xnich'nabe, ja'ic ti israeletique, ja'uc ti stuquique mu'yuc laj yich'ic ta muc'.

Talem xa ta banomil ma' ti Buch'u ta xac' ti xojobal ta stojol scotol ti jnaclejetic ta banomile.

Ti oy c'usi tsots albil sc'oplale vul ta jtojoltic ta sventa ti Moisese. Ja'uc ti c'uxubinele xchi'uc ti c'usi ja' melele, c'ot ta pasel ta sventa ti Jesucristoe.