Popular Bible Verses from San Juan 2

Share

Ja' sliquebal to ti va'i s'elan laj spas ti Jesús ta jteclum Caná ti oy ta Galileae, ti laj yac' iluc senyail ti oy c'usi ch'ayal c'ot o'ntonal yu'un ta sventa ti slequil yutsilale, ti ich'bil ta muc' ic'ot yu'un ti yajchanc'optaque.

Xi laj stac' ti Jesuse: —Jun me'tic, ¿c'u cha'al jech xtal avalbun ti va'i s'elan taje c'alal mu'yuc to c'otem ti coraile?

Xi ti Jesús ta stojol ti jtuneletique: —Nojesic ta vo' ti binetic li'e. Xjaxet c'ot yu'unic sti' ti bin c'alal laj snojesic ta vo'e. Xi laj yal ti Jesuse: —Lupic loq'uel jutebuc. Ba ac'beic ti jpas-mantal yu'un ti q'uine. Jech laj spasic ti jtuneletique.

Xi laj stac' ti Jesuse: —Lilinic ti ch'ulna li'e, ta oxib c'ac'al xu' ta jcha'va'an ta ach'.

Ti jech laj yile, ti Jesuse lic smochilan ch'ojon. Laj snutsan loq'uel ti jchonolajeletique xchi'uc ti xvacaxique, ti xchijique. Laj stanibe ta banomil ti staq'uinique. Laj svalc'unanbe xmexaic ti jel-taq'uinetique. Xi laj yalbe ti jchon-palomaetique: —¡Loq'uesic batel li'e! ¡Mu xapasic ta jun ch'ivit sna ti Jtote!