Popular Bible Verses from San Juan 15

Share

“Vu'un ti smuc'ul ibelun ti uvae. Vo'oxuc ti sc'ob-c'obtaque. Mi staoj yav nabal ta jtojole, oyun ta stojol ec. Yepal no'ox ti sat ta xaq'ue. Mi ch'acal ta jtojole, mu'yuc c'usi stac' ta spas.

Staojuc yav junuc avo'ntonic, nablanic ta jtojol jech c'u cha'al oyun ta atojolique. Mu xu' ta xac' uva ti jun sc'ob mi mu'yuc tsacal xchi'uc ti smuc' ta ibele. Ja' jechoxuc, mu'yuc c'usi xu' avu'unic ec un mi mu'yuc nabaloxuc ta jtojole.

“Mi staoj yav nabaloxuc ta jtojole, mi mu xch'ay ta avo'ntonic ti c'u s'elan laj jchanubtasoxuque, c'anbeic ti c'usi ta xac'anique, ta xa'ac'batic.

Ma'uc vo'oxuc laj at'ujicun, yu'un vu'un laj jt'ujoxuc yo' ta xcac' abainic ta spasel ti c'usi leque, ti staojuc oy yav ta atojolic ta spasel ti c'usi leque, ti mu xlaj sc'oplale. Jech ti Jtote ta xayac'boxuc ti c'usi ta xac'anic ta jventae.

Ti buch'u ta xac' sba ta milel ta sventa ti buch'u lec xil sba xchi'uque, mu albajuc ma' ti syail xc'uxul yo'nton une.

Mi oy junuc ti sc'ob c'otem ta jventa ta sbainel ti uva ti mu xac' lec ti sate, ta sboj loq'uel. Mi ta xac' ti sate, ta sloq'uesbe ti sc'a'epale. Ta set loq'uel ti staquijemale yo' ta x'epaj ta yaq'uel ti sate.

Ti jmantale xi s'elane: C'uxuc xava'i abaic ta jujun tal jech c'u cha'al laj jc'uxubinoxuque.

Ti jech taj une, ta xvinaj yutsilal slequilal ti Jtote, ta sventa ti yepal no'ox ti oy c'usi lec ta xapasique, xchi'uc ta xac'otic ta bats'i cajchanc'optac.

Ti Jesuse xi to laj yale: —Ti vu'une co'ol j'elan jech c'u cha'al smuc' ta ibel ti uvae. Ti Jtote co'ol s'elan jech c'u cha'al ti buch'u ta xabtelan ta sq'uelel ti uvae.

Mi ta xch'ac sba ta jtojole, ta xich' setel loq'uel. Ta xtaquij jech c'u cha'al sc'obtac ti uvae. Ta xich' tsobel, chic' xi ta c'oc'.

“Ti jech ta xcalboxuc taje, yo' jech xijmuyubajotic, yo' jech ataojic ta j'ech'el ti xamuyubajique.

Mi ta xavich'ic ta muc' ta xch'unel ti jmantale, oy ta atojolic ti syail xc'uxul co'ntone, jech c'u cha'al ta jch'unbe smantal ti Jtote, staoj yav oy ta jtojol ti syail xc'uxul yo'ntone.

Ja' me smelol ti xi s'elan ta xcalboxuc ti jmantale: C'uxuc xava'i abaic ta jujun tal.

Ti co'oluc ta xapasic jech c'u cha'al ta spasic ti jnaclejetic ta banomile, c'ux ta xa'ioxuc jech c'u cha'al c'ux ta xa'i sbaique. Ja'uc le'e, laj jt'ujoxuc loq'uel talel ta stojolic. Jech o xal un, contra ta xayiloxuc, yu'un mu xa co'oluc avo'ntonic xchi'uquic.