Popular Bible Verses from San Juan 16

Share

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

C'alal ta xtal ti Ch'ul Espíritu ti melel c'usi ta xac' ta na'ele, ja' ta stojobtasoxuc ta yaq'uel ana'ic ti bu melel scotole. Yu'un mu ta yo'ntonuc stuc ti c'usi ta xale, yu'un ja' ta xal scotol ti c'u s'elan ta x'ac'bat sna'e, xchi'uc ta xac'boxuc ana'ic ti c'usitic ta xc'ot ta pasele.

Avi li'e, mu'yuc to c'usi ac'anojbeic ti Jtot ta jventae. C'anic un, yo' ta xavich'ic, yo' ta xataic ti xamuyubajique.

Xi jamal ta xcalboxuc ava'iique: Yu'un toj lec ta xc'ot ta pasel ta atojolic ti ta xibate. Yu'un mi mu xibate, mu xtal ta atojolic ti Buch'u ta scoltaoxuque, ti ta xac' smuc'ul avo'ntonique. Ti mi libate, ta jtac talel. C'alal jech ta xtal ti Ch'ul Espiritue, ja' ta xac'be sna'ic ti jnaclejetic ta banomil c'usi ti mulile, c'usi ti lequilale, xchi'uc ti chapanel yu'un ti Diose.

Ja' jech ti vo'oxuc avi tana li'e, mu x'ech' ta xava'iic ti avocolique. Ja'uc c'alal ta xisut talel jq'ueloxuque, ta xlic muyubajanic, jun muyubajel ti mu'yuc buch'u xasmacboxuque. “Ti jech c'ac'al taje, mu'yuc xa c'usi ta xajac'beicun. J'ech'el ta xcalboxuc ava'iic, scotol c'usi ta xac'anbeic ti Jtot ta jventae, ta xayac'boxuc.

Jbel sc'oplal ta xcalboxuc ava'iic, ta xlic oc'anic, ta xavat avo'ntonic, ja'uc ti jnaclejetic ta banomile xmuyubajic xa liquel. Ti jech oyoxuc ta vul o'ntone, ta xlic joybijuc ta muyubajel.