Popular Bible Verses from San Juan 17

Share

Ti buch'utic laj avac'bune, lecubtaso ta sventa ti melel ta xavac' ta na'ele, yu'un melel ono'ox ti ac'ope.

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

“Ma'uc no'ox ta jc'ubanbot ta atojol ti stuquique, ta jc'ubanbot ta atojol xtoc ti buch'utic ts'acal to ta xlic c'otuc ta yo'ntonic ta xch'unelun ta sventa ti ac'op ta xalic batele. Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

Ma'uc ta jc'ubanbot ti ta xach'ac loq'uel li' ta banomile. Ja' no'ox ta jc'ubanbot ti pojo yo' mu stsalatic yu'un ti pucuje.

Laj xa cac'be yich'ic ti jlequilal ti laj avac'bune yo' jech jun sjol yo'ntonic jech chac c'u cha'al ti vo'otique. Oyun ta stojolic ec jech c'u cha'al oyot ta jtojole yo' jech jun no'ox ta xc'otic ti junuc yo'ntonic ta jbel sc'oplale, yo' jech ta xlic yilic ti jnaclejetic ta banomil ti vo'ot laj atacun talele, ti c'ux ta xava'iic jech c'u cha'al c'ux ta xava'iune.